Իլվե Աննա Մարիա Լինդ (շվեդ.՝ Ylva Anna Maria Lindh, հունիսի 19, 1957(1957-06-19), Enskede-Årsta parish, Շվեդիա - սեպտեմբերի 11, 2003(2003-09-11), Կարոլինսկայի համալսարանի հիվանդանոց), շվեդ քաղաքական գործիչ, Սոցիալ-դեմոկրատական կուսակցության անդամ, 1998-2003 թվականներին եղել է Շվեդիայի արտաքին գործերի նախարար։
Աննա Լինդ շվեդ.՝ Anna Lindh | |||
| |||
---|---|---|---|
հոկտեմբերի 7, 1998 - սեպտեմբերի 11, 2003 | |||
Կուսակցություն՝ | Շվեդիայի սոցիալ-դեմոկրատական կուսակցություն | ||
Կրթություն՝ | Ուփսալայի համալսարան | ||
Մասնագիտություն՝ | քաղաքական գործիչ և դիվանագետ | ||
Ծննդյան օր | հունիսի 19, 1957 | ||
Ծննդավայր | Enskede-Årsta parish, Շվեդիա | ||
Վախճանի օր | սեպտեմբերի 11, 2003 (46 տարեկան) | ||
Վախճանի վայր | Կարոլինսկայի համալսարանի հիվանդանոց | ||
Թաղված | Katarina kyrkogård | ||
Քաղաքացիություն | Շվեդիա | ||
Ի ծնե անուն | շվեդ.՝ Ylva Anna Maria Lindh | ||
Հայր | Staffan Lindh? | ||
Ամուսին | Bo Holmberg? | ||
Աննա Լինդը ծնվել է 1957 թվականի հունիսի 19-ին Ստոկհոլմի Էնշեդ շրջանում։ Քաղաքական կյանք է մտել 12 տարեկանում՝ մասնակցելով Վիետնամական պատերազմի դեմ ցույցերին և Շվեդիային Սոցիալ-դեմոկրատական կուսակցության երիտասարդական լիգայի աշխատանքին։ 1982 թվականին բակալավրի աստիճանով ավարտել է Ուփսալայի համալսարանի իրավաբանական ֆակուլտետը և նույն թվականին ընտրվել Պառլամենտի անդամ։ 1984 թվականին ղեկավարել է Շվեդիայի Սոցիալ-դեմոկրատական կուսակցության երիտասարդական լիգան, իսկ 1991-1994 թվականների ընթացքում եղել է Ստոկհոլմի քաղաքային խորհրդի անդամ։
1994 թվականին Լինդն Ինգվար Կարլսոնի կառավարությունում ստանձնել է բնապահպանության նախարարի պաշտոնը, իսկ 1998 թվականին երկրի նոր վարչապետը՝ Յորան Պերսոնը, նրան նշանակել է արտաքին գործերի նախարար։ Լինդը դատապարտել է Միացյալ Նահանգների քաղաքականությունն Իրաքում, ինչպես նաև քննադատել է Արիել Շարոնի և Սիլվիո Բերլուսկոնիի կառավարությունների քաղաքականությունը։ Միևնույն ժամանակ նա ԵՄ ընդլայնման ակտիվ կողմնակից էր և պաշտպանել է Շվեդիայի մուտքը Եվրամիություն ու եվրոյի գոտի։
Աննա Լինդն ամուսնացել է 1991 թվականին, ունեցել է 2 որդի։
2003 թվականի սեպտեմբերի 10-ին Ստոկհոլմի կենտրոնում գտնվող սուպերմարկետում Աննա Լինդի դեմ մահափորձ է իրականացվել։ Հարձակվողը մի քանի անգամ դանակահարել է նրան, այնուհետև անհետացել։ Լինդը տեղափոխվել է Կարոլինայի հիվանդանոց, որտեղ բժիշկները մի քանի ժամ պայքարել են նրա կյանքի համար։ Սակայն սեպտեմբերի 11-ի վաղ առավոտյան նա մահացել է ստացած վերքերից։
Վիքիպահեստն ունի նյութեր, որոնք վերաբերում են «Աննա Լինդ» հոդվածին։ |
This article uses material from the Wikipedia Հայերեն article Աննա Լինդ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.