एना लिन्ध

लिन्धक जन्म स्टकहोमक दक्षिणपूर्वी उपनगर एनस्क्याड-एर्स्टामे स्ट्याफन (१९३१-२०१७) आ न्यान्सी लिन्ध (१९३२-२००५) कऽ घरमे भेल छल। ओ मात्र १२ वर्षक उमरमे राजनीतिमे शामिल भऽ गेल छल, जखन ओ स्वीडिस सोसल डेमोक्रेटिक यूथ लिगक स्थानीय शाखामे शामिल भेल छल। पार्टीमे शामिल भेलाक बाद हुनकर मुख्य प्राथमिकता भियतनाम युद्धक विरूद्ध विरोध केनाए छल।

लिन्ध उप्साला विश्वविद्यालयमे अध्ययन केलक जतय सँ ओ कानून विषयमे स्नातकक उपाधि प्राप्त केलक। सन् १९८२ मे ओ सोएदरम्यानल्याण्ड काउन्टीक लेल रिक्सड्याग (सांसद) कऽ सदस्य चुनल गेल। सन् १९८४ मे ओ स्वीडिस सोसल डेमोक्रेटिक यूथ लीगक पहिल महिला अध्यक्ष बनल। अध्यक्षक रूपमे हुनकर छ साल अन्तर्राष्ट्रिय मामलासभ (निकारागुआ, भियतनाम, दक्षिण अफ्रिका आ प्यालेस्टाइन सहित) प्रति प्रतिबद्धता आ शीत युद्धक विरुद्ध आवाज उठेनाए छल।

ओ सन् १९८२ सँ सन् १९८५ आ सन् १९९८ सँ सन् २००३ धरि सोएदरम्यानल्याण्ड काउन्टीक लेल सांसदक रूपमे काज केनए छल।