William Shakespeare: Jendźelski dramatikar, basnik a dźiwadźelnik

apryla">26. apryla 1564 w Stratford upon Avon; † 3. meje 1616 runje tam) bě jendźelski dramatikar, basnik a dźiwadźelnik. Jeho komedije a tragedije słušeja k najwuznamnišim a najhusćišo předstajenym dźiwadłowym krucham swětoweje literatury. Shakespearowy cyłkowny wupłód wobjimuje 38 dramow, 154 sonetow a episke hrónčka.

Jeho wuznam za spisownu rěč je w cyłym swěće připóznaty. Hromadźe z Homerom płaći jako najwuznamniši spisowaćel literarnych stawiznow a z 2 do 4 miliardami předatych eksemplarow najwuspěšniši awtor wšěch časow. Wjacore kruchi buchu tež hižo w serbskej rěči předstajene. Charakteristiska je mnohotosć jeho rěče, wot najnišeje wobchadneje rěče hač k najwyšej dwórnej rěči.

Nimo pisanja bě Shakespeare wuspěšny dźiwadłowy předewzaćel w Londonje a mějićel tamnišeho Globe Theatre.

K najznaćišim Shakespearowym krucham słušeja tragedije „Romeo a Julia“ (Romeo and Juliet, 1595), „Hamlet“ (Hamlet, Prince of Denmark, wokoło 1601), „Kral Lear“ (King Lear, 1605) a „Macbeth“ (1608) kaž tež komedije kaž „Štožkuli chceće“ (Twelfth Night or What You Will, 1601), „Són lětnjeje nocy“ (A Midsummer Night’s Dream, 1595/96) a „Skludźenje so spjećowaceje“ (The Taming of the Shrew, 1594).

  Commons: William Shakespeare – Zběrka wobrazow, widejow a awdiodatajow

• William Shakespeare – Literatura w katalogu Němskeje narodneje biblioteki (Datowa sadźba k William Shakespeare • PICA-datowa sadźba) (němsce)
• Shakespearowe teksty pola Wikisource (němsce)