w1
Viktoriaski jězor Lake Victoria | |
---|---|
Karta jězora | |
Geografija | |
stat(y) | Uganda, Tansanija, Kenija |
přitoki | Kagera |
wotběh | Viktoriaski Nil |
přibrjóžne sydlišća | Entebbe, Mwanza, Jinja, Kisumu |
Daty | |
wysokosć | 1134 m n.m.hł. |
přestrjeń | 68.870 km² |
rozměry | 337x250 km |
wolumen | 2.760 km³ |
hłubokosć | |
přerězna | 40 m |
maksimalna | 85 m |
Viktoriaski jězor je najwjetši jězor w Africe a po Kaspiskim morju a Hornym jězoru třeći najwjetši cyłeho swěta. Słuša k wuchodoafriskim statam Ugandźe, Tansaniji a Keniji. Ma přestrjeń wot nimale 69.000 km², štož wotpowěduje Bayerskej abo Irskej, a je hač do 85 metrow hłuboki. Podłu jeho přibrjohow je wjace hač 30 milionow ludźi žiwych.
Jězor leži wosrjedź wuchodoafriskeje wysokeje runiny. Najwjetši přitok je w Ruandźe so wužórlaca Kagera; jenički wulki wottok je Viktoriaski Nil w sewjeru, kiž je zdobom najwažniši přitok Nila.
Viktoriaski jězor bu přez natwarjenje haćenja „Owen Falls Dam“ při Viktoriaskim Nilje w lěće 1954 kumštnje powjetšeny a wužiwa so wot toho časa tež za dobywanje energije. Dla husteho wobsydlenja podłu přibrjohow ma jězor wjele ekologiskich problemow, kaž na přikład womazanje wody a njedostatk kislika.
Nimo wodosłonja je we Viktoriaskim jězorje wokoło 550 rybowych družin žiwe - w cyłej Europje mamy jenož 200. Zasydlenje Niloweho pjerska (Lates niloticus) w 1960tych lětach bě pak ekologiska katastrofa, dokelž bě cuza družina wutłóčowała domjace pjerski.
This article uses material from the Wikipedia Hornjoserbsce article Viktoriaski jězor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.