કેન્યાનો રાષ્ટ્રધ્વજ

કેન્યાનો ધ્વજ કેન્યા આફ્રિકાના દેશોના સંગઠન પર આધારિત છે. કાળો રંગ કેન્યાની પ્રજાનું પ્રતિક છે, લાલ રંગ આઝાદીની લડાઈમાં વહેલા રક્તનું અને લીલો રંગ દેશના કુદરતી સંપત્તિનું પ્રતિનિધિત્વ કરે છે. સફેદ પટ્ટીઓ પાછળથી ઉમેરવામાં આવી અને તે શાંતિ અને પ્રમાણિકતાનું પ્રતિક છે. સાંસ્કૃતિક કાળી, સફેદ અને લાલ મસાઈ ઢાલ અને બે ભાલા અગાઉ ઉલ્લેખિત તમામ વસ્તુઓના રક્ષણનું પ્રતિક છે.

 

કેન્યાના રાષ્ટ્રિય દફતરે ધ્વજના રંગો નક્કી કર્યા છે.

કેન્યાનો ધ્વજ કેન્યા આફ્રિકન નેશનલ યુનિયન નામના રાજકીય પક્ષના ધ્વજ પરથી બનેલ છે. તે પક્ષે કેન્યાના આઝાદીના જંગમાં સિંહફાળો આપેલ છે. કેન્યાના ધ્વજના રંગો જેના પ્રતિક ગણાય છે તે સમગ્ર આફ્રિકાના રંગોના ભાવાર્થ સાથે મળતા આવે છે. જે રંગો ૧૯૨૦ની તમામા આફ્રિકી રાષ્ટ્રોની પરિષદમાં નક્કી કરાયા હતા.

માલાવીનો રાષ્ટ્રધ્વજ પણ સરખામણી કરી શકાય તેવો છે.

સુદાનનો રાષ્ટ્રધ્વજ કેન્યાના રાષ્ટ્રધ્વજ સાથે મળતો આવે છે. તેના રંગોના આડા પટ્ટા મળતા આવે છે અને તેની જેમ સમગ્ર આફ્રિકાના રંગોના પ્રતિકાત્મ સરખામણી પણ છે.