દર્શના જરદોશ

તેણી ભારતીય જનતા પાર્ટીનું સભ્યપદ ધરાવે છે અને લોકસભાની ચૂંટણીમાં પ્રથમવાર વર્ષ ૨૦૦૯ના સમયમાં ચૂંટાયા હતા.

તેણી સંસદના સભ્ય તરીકે ચૂંટણી ૨૦૧૪ દરમિયાન લોકસભાની સુરત બેઠક પરથી ફરી ચૂંટાયા હતા. તેમણે ઐતિહાસિક જીત પોતાના પ્રતિસ્પર્ધી કરતાં ૫,૩૩,૧૯૦ વધુ મત સહિત મેળવી હતી, જે ભારતીય ચૂંટણીના ઇતિહાસમાં શ્રીમતી ઈન્દિરા ગાંધી પછી કોઇપણ મહિલા સાંસદ દ્વારા મેળવાયેલી સૌથી વધુ લીડ છે અને ચૂંટણી ૨૦૧૪ દરમિયાન ૪થા ક્રમની સૌથી વધુ લીડ છે. તેમણે ૭૬.૬ % મત મેળતી જીત મેળવી હતી, જે ચૂંટણી ૨૦૧૪ માટેનો એક વિક્રમ છે.

વર્ષ ૨૦૦૯માં, તેમણે ભારત સરકાર પાસે હીરાના વેપારના ભારતના મુખ્યમથક સુરત ખાતે એક સુયોજિત આંતરરાષ્ટ્રીય હવાઇમથકની માગણી કરી હતી. વર્ષ ૨૦૧૨માં તેમણે કોંગ્રેસ સાંસદ તુષાર ચૌધરી દ્વારા વાયા સુરતની વિમાનસેવાઓ પોતે શરુ કરાવ્યાની વાત કરવા બદલ ટીકા કરી હતી, જેના માટે તેમણે અને નવસારીના સાંસદ સીઆર પાટીલ દ્વારા ઝુંબેશ ચલાવવામાં આવી હતી.