Yvyapekuaa ha'e pe tembikuaaty ohesa'ỹijóva Yvy ha mba'ekuéra Yvy ape ári.
Upéicha oheka oikuaave hag̃ua umi yvyvusu, yguasu, ysyry ha yvyty rehegua. Mba'ekuéra Yvy ape ári hína umi tekove ha mymba oikóva. Oñemoarandu avei yvytu, ararova, yvyryrýi rehegua ha ambue yvy ha yguasu mba'e.
Pe oñemoarandúva yvyapekuaa rehe ojehero yvyapekuaahára. Peteĩ yvyapekuaahára omba'apo omohesakã hag̃ua ñande Yvy ha umi mba'e hi'ári, mba'éichapa ñande Yvy oñemoambue ha mba'éichapa oiko chugui ymaguare.
Yvyapekuaa niko mokõi tembikuaaty: mba'ereko yvyapekuaa ha yvyapekuaa yvypóra rehegua. Pe mba'ereko yvyapekuaa ohesa'ỹijo tekoha ha Yvy hekotee, pe yvyapekuaa yvypóra rehegua ohesa'ỹijo katu pe yvypóra rekoha. Yvypóra rekohápe ikatu jahecha yvyapekuaa rupive mbovýpa ha mba'épa pe yvypóra hetakue peteĩ tetãme, mba'éichapa pe virurekokuaa, ha heta mba'e ambuéva.
Yvyra'anga ningo mba'e ojeipuruitéva yvyapekuaa mbo'épe, umi yvyapekuaahára ikatu ojapo yvyra'anga ha oñemoaranduite hese. Mba'eguasuite hína pe yvyra'anga apo, ymaguare guive jahecha yvypóra omoha'anga hekoha.
This article uses material from the Wikipedia Avañe'ẽ article Yvyapekuaa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.