Indonésia

Tetã Indonésia ijyvy apekue oñemyasãi amo 17 508 ypa'ũnguéra rupive ha ojeipapaháicha ary 2015-pe oiko ipype amo 255.903.244 tekovekuéra, upéicha ha'e tetã orekovéva tekovekuéra ipype irundyha. Hi'ári avei, Indonésia ha'e tetã orekovéva musulmã ipype.

Tavakuairetã Indonésia
Indonésia
Poyvi Ha'erã'i
Tetã ñe'ẽ akã: Bhinneka Tunggal Ika (Háva ñe'ẽme: 'Joaju umi mba'e ojuavýva mbytépe')
Tetã Momorãhéi: Indonesia Raya (Indonésia ñe'ẽme: 'Indonésia Guasu')
Tavusu (ha táva tuichavéva)	Jakáta
Ñe'ẽ tee	Indonésia ñe'ẽ1
Tetãygua réra	Indonésiagua
Tekuái reko	Tavakuairetã mburuvicharapépe
Tendota Ombuekoviáva	Joko Widodo Ma'ruf Amin
Tetã Amandaje	Asamblea Consultiva Popular
Sãso  • Oikuaauka  • Oñemoañete	Tetãnguéra Yvýi pegua 17 jasypoapy ary 1945 27 jasypakõi ary 1949
Yvy apekue	Ñemoĩha 15.º
• Opaite	1 904 569 km²
• Y (%)	4,85
Tembe'y	2958 km
Y rembe'y	54 716 km
Yvyty yvatevéva	Jaya
Ava hetakue	Ñemoĩha 4.º
• Hetakue	259 903 244 hab.
• Typy'ũ	135 hab./km²*
PIB (PPA)	Ñemoĩha 7.º
• Opaite (2017)	USD 3,26 billones
• Per cápita	USD 12 421
PIB (nominal)	Ñemoĩha 16.º
• Opaite (2017)	USD 1,01 billones
• Per cápita	USD 3870
IDH (2015)	0,689 (113.º) – Mbytegua
Viru	Rupia indonesia (Rp., IDR)
Ára	UTC+7 guive UTC+9 peve
• Arahakúpe	Ndorekói
ISO Jehero	360/ IDN / ID
Tetã renda tee Ñandutíme	.id
Tetã pumbyry papapy	+62
Tetã puhoe papapy	JZA-JZZ / PKA-POZ
Tetã aviõ papapy	PK
Mba'yrumýi papapy tee	RI
COI Jehero	INA
Atyvete ONU, ASEAN, APEC, G-20, G77, OPEP2,
Opaite Tetã Yvýgui
[editar datos en Wikidata]

Indonésia ha'e hína peteĩ tavakuairetã oiporavóva imburuvicharã ha umi Amandaje Guasu ruvicharã vóto rupive, tetã rekuái oĩ ko tetã itavusúpe, táva Jakáta. Indonésia ijyvy apekue ha'égui ypa'ũ aty, oñehembe'ýnte yvy rupi tetã Papúa Gynéa Pyahu, Kuarahyresẽ Timor ha Malásia (ypa'ũ Vonéo-pe). Tetã ambuéva ojejuhúva ijerére yguasu rupive ha'e Singapúra, Tailandia, Mburunéi, Filipina, Paláu ha Autarália.

Ypa'ũ aty Indonésio pegua ha'e tenda tetãnguéra oñoñemuitéva opaichagua mba'e sa'ary VII guive, upe mburuvi ymaguare hérava Srivijaya oñepyrũ oñemu China ha Índia ndive. Mbeguehápe, umi mburuvicha guasu ypa'ũ aty Indonésio pegua oipuru arandupy, jeroviapy ha tekuái reko ojeipurúva umi tetã ymaguare Índia pegua. Indonésia rembiasakuére heta ojejuhu tetã pytagua ondyrýva umi ypa'ũme oipe'a hag̃ua yvy mba'epy. Karai ñemuhára musulmã oguereha rire islã jerovia Indonésiape ha umi Európa pegua oguahẽ rire avei Indonésia-pe ojapo ikoloniarã, tetãnguéra oñepyrũ ñorairõ oñembojára hag̃ua mba'epykuéra Indonésia ypa'ũ atýgui. Mbohapysa popa ary rire ko tetã oime Tetãnguéra Yvýi ipogúype, ohupyty isãso, Ñorairõ Guasu Mokõiha rire.

Ypa'ũnguéra rupive ojehecha Indonésia retãygua ijypykue opaichagua, iñe'ẽ ha ijeroviapy opaichagua avei. Haimete opa Indonésia ypykuekuéra ha'ehína upe te'ýi Háva pegua. Tetã ñe'ẽ tee peteĩva rupive ohupyty oikoha teko joaju, upévare ko tetã ñe'ẽ akã ha'e "Bhinneka Tunggal Ika" ("Teko joaju umi mba'e ojuavýva mbytépe"). Indonésia ijyvy apekuére ojehecha avei tekove'etaita guasu, opaichagua mymba ha ka'a, ha ojeikuaa Indonésia ha'eha peteĩ umi 17 tetãgui ijyvy apekuére ojehecha tekove'etaita guasuitereíva. Orekóramo jepe opaichagua mba'epy ijyvýre, heta tekotevẽ ojehecha umi Indonésia retãygua mbytépe.

•   Wiki Commons oguereko ta'ãnga Indonésia reheguaCommons.
• Indonésia rekuái renda tee