Rudi Torga
Rudi Torga, heratee niko Gabino Ruíz Díaz Torales, ouhágui Rudi Torga, RU (Ruíz) DI (Díaz) TOR(Torales) GA (Gabino).
Heñoiva'ekue táva Kapiatápe, ára 19 jasykõi ary 1938-pe. Ohai Guarani ha españa ñe'ẽme. Oñemoarandu Escuela Municipal de Arte Escénico-pe ha upépe heñói imborayhu ñoha'ãgáre.
Rudi Torga omoheñoi'akue iñoha'ãnga aty hérava "Teatro Estudio Libre". Omotenonde Dirección de Cultura Popular ha upéi Dirección General de Investigación y Apoyo Cultural Ministerio de Educación y Cultura-pe.
Rudi Torga niko oipytyvõmbaretékuri Ateneo de lengua y cultura guaranime Guarani ñe’ẽ ha reko myasãi ha ñemombaretépe ñane retã tuichakue javeve. Hasyva’erã jajuhujey hag̃ua peteĩ tapicha ha’eichagua ohayhu añetetéva hetã, heko ha iñe’ẽ. Rudi Torga ohaíkuri heta ñoha'ãnga ha umi iñe'ẽpoty ijaty peteĩ ñe'ẽpotyryrúpe, hérava "Mandu'arã". Avei ombohasa Guarani ñe’ẽme “Pascual Duarte rekovekue” ohai’ypyva’ekue Camilo José Cela.
Rudi Torga omanókuri táva Paraguay, Paraguay retãme, ára 5 jasypokõi ary 2002-pe.
***
Joaju
- Ehendu Donde mi canto pasó ohaiva’ekue Rudi Torga
- Emoñe’ẽve Rudi Torga rehegua
- Ehendu Rudi Torga-pe he’i jave ñe'ẽpoty Che kuãirũ resa ohaiva’ekue Francisco Martín Barrios
- Ehendu Rudi Torga-pe he’i jave ñe’ẽpoty Ha… che retã Paraguay ohaiva’ekue Teodoro S. Mongelós
- Emoñe’ẽ Pascual Duarte rekovekue ombohasava’ekue Guaraníme Rudi Torga
This article uses material from the Wikipedia Avañe'ẽ article Rudi Torga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.