Geografia

N cuntinënt, dal latin (terra) continens: tiera che taca adum, indichea na gran spersa de tierafërma stluta ite dl dut o n gran pert da ega y autri lims naturei. Da n pont d'ududa storich-culturel ie n cuntinënt n majer raion, che se desferenziëia da d'autri raions per rejons storiches y cultureles. Chësta definizion ie tlera tl cajo dl'Europa, che da n pont d'ududa geografich y geologich furmëssa adum cun l'Asia n sëul cuntinënt.

L numer de cuntinënc dla Tiera muda a segonda dla definizion adurveda. Encueicundì tënden a n cuscideré 7:

• L'Europa
• L'Africa
• L'America dl Nord
• L'America dl Sud
• L'Asia
• L'Oceania
• L'Antartida

La spersa dla Tiera muda dassënn da post a post. Ca. l 70,8 % ie curida da ega -mers, ozeans, lec y ruves- y l ca. 29,2%% dla tiera fërma da planadures, bòsc, montes y deserc.

I prims geografs tl raion ntëur l Mer Mediteran ie stac i Antics Egizians y ti raions plu interns ie states danter la primes nce la geografies di Babilonesc y dl’India. De gran prugresc à fat Ipparch da Nicea, che à purtà ite la metodes dl'astronomia per la calculazion dla lunghëza y l grech Strabon cun si opera Geografia. L prim geograf dl’Antica Roma cunesciu ie Pomponio Mela. Tl Medieve ie nce la operes di geografs arabs Ibn Battuta y Ibn Khaldun de gran mpurtanza.

Cun la gran esplorazions tl’Asia sun tiera de Marco Polo y chëles sul mer tla Americhes y pona tl ost dl’Asia iel stat na renasciuda dla geografia. Cun la descurida dl’opera geografica de Tolomeo tl’Europa iel stat la renasciuda dla cartografia.

 

La geografia moderna ie nasciuda tl Otcënt dantaldut cun Alexander von Humboldt y Karl Ritter.

Fases tla storia dla geografia cuntemporana

•geografia dla esplorazions (Prum mez dl Otcënt): cun Alexander von Humboldt y Karl Ritter;

•geografia positivista o determinista – ambientela (1850-1890): cun Friedrich Ratzel;

•geografia dla storia o dla puscibltà (1890-1930): geografia regionela de Paul Vidal de la Blache;

•geografia cuantitativa, analitica o neo-positivista (1930-1960);

•geografia radicala, marxista o struturela (dai ani 1970);

•geografia compurtamentela – behaviorista (dai ani 1970);

•geografia umanistica (dai anni 1970): postmoderna, semiotica y spirituela.

•geografia culturela (dala fin di ani utanta).

 

Geografia fisica

Stude dla geografia sciche sciënza dla Tiera, che se basea sula biologia, la matematica y la fisica.

Geografia matematica

Stude dla mesurazion dla Tiera y dl muvimënt dla Tiera tl Sistem dl Surëdl.

Geografia umana

Stude di ciamps economics, politcs y culturei liei ala geografia. La tol ite nce la sciënzes sozieles, la psicologia, la leteratura y la disciplines artistiches liedes al teritore.

Geografia politica

Stude dla geografia aldò di svilups politics ti raions desvalives.

Geografia economica

Stude dla geografia aldò di svilups economics metui a jì dala persones ti raions desvalives y tl cheder dla globalisazion.

Geografia dla inovazion

Stude dla geografia aldò dl raport danter raions y inovazion.

 

 

La valedes ladines dla Dolomites

La valedes ladines ie tl raion dla Dolomites sul teritore dla Talia y ie spartides su danter doi regions y trëi provinzies.

Tla Region Trentin-Südtirol iel tla Provinzia de Bulsan:

Val Badia

Badia (DE Abtei, IT Badia), Corvara (DE Corvara, IT Corvara), Mareo (DE Enneberg, IT Marebbe)

Gherdëina

Urtijëi (DE St. Ulrich, IT Ortisei), Santa Cristina (DE St. Christina, IT Santa Cristina), Sëlva (DE Wolkenstein, IT Selva di Val Gardena), Ciastel (DE Kastelruth, IT Castelrotto)

y tla Provinzia de Trënt:

Fascia

Cianacei (IT Canazei), Ciampedel (IT Campitello), Mazin (IT Mazin), Poza (IT Pozza di Fassa), Vich (IT Vigo di Fassa), Soraga (IT Soraga), Moena (IT Moena)

Tla Region Venet y tla Provinzia de Belun iel:

Fodom

(DE Buchenstein, IT Livinallongo)

Anpezo

• Tiera
• Biologia
• Storia
• Storia dla valedes ladines