Mba'asypavẽ: Mba'asy ováva ha oñemosarambíva oparupi

Mba'asypavẽ ko'ágãite oĩ ha'e mba'asy po'i, ha VIH/SIDA.

Oiko hag̃ua mba'asypavẽ he'iháicha Tesãi Arapygua Atyguasu, oiko va'erã mbohapy mba'e:

• Oĩ peteĩ mba'asy pyahu tapichakuéra apytépe.
• Víru oguerúva mba'asy oikekuaa yvypóra retépe ha ombohasy.
• Pya'eite ha hasy'ỹ oñemosarambipa víru ha opyta areite yvyporakuéra apytépe.

Upéicha ndaha'aéi mba'asypavẽ opa mba'asy ojehecháva oparupi ha oporojukaitéva. Oñemosarambi ha ova va'erã tapichakuéra apytépe. Techapyrã, akytã'ai niko mba'asy oporojukaitéva ha ojehecháva oparupi, hákatu ndaha'éi mba'asypavẽ noñemosarambikuaái ha ndováigui peteĩ yvypóragui ambuévape.

Tesãi Arapygua Atyguasu omohenda aponde'a oñembosako'i hag̃ua ojokosévo mba'asypavẽ, tuichaitépe mba'asypararã ñemosarambi, ojapo hikuái "aravore" omboja'óva mba'asy pukukue:

Mba'asypavẽ mboyve:

• Aravore 1: Ndaipóri mba'asypararã juehegua ojehechakuaáva yvypórape.
• Aravore 2: Ne'ĩra oĩ mba'asypararã víru juehegua ojehechakuaáva yvypórape. Hákatu, mymbakuéra apytépe ojehecha víru pyahu ombohasýva ha sapy'ánte ikatu oikekuaa yvypórape.

Mba'asypavẽ ñepyrũ:

• Aravore 3: Oikéma yvypóra retépe víru pyahu. Ne'ĩra oñemosarambi mba'asy.
• Aravore 4: Oñemosarambimi tapichakuéra apytépe ko mba'asy pyahu peteĩ tekoha'ípe.
• Aravore 5: Oñemosarambipa mba'asypararã peteĩ tekohápe.

Mba'asypavẽ tee:

• Aravore 6: Mba'asypavẽ: Ojehecha oparupi tapicha hasýva. Pya'eite ova mba'asy ha hi'are tepichakuéra apytépe.