Emboscada
Emboscada peteĩ municipio Cordillera Departamento Paraguaigua.
| Emboscada Emboscada | ||
|---|---|---|
| Tetã |  Paraguái | |
| Tetãvore | Cordillera | |
| Távayguakuéra | 13.472 ava | |
| Ape távagui | 265 km² | |
| ISO | ||
| Yvatekue | 192 m | |
| Koordinasion | ||
Héra tee
Ofunda 1740-pe karai Gobernador Rafael de la Moneda “San Agustín de la Emboscada” ramo, pépe heta ñuhã omoĩmi rupi conquista mboyve Carios-kuérape umi tribu Guaikuru.
Ojekuaa avei chupe táva ijita hetávaramo, hetaiterei tapicha oikóva pype omba’apo rupi ita rehe, onohẽva hikuái itatýgui.
Ararova
Cordillera departamento-pe ningo ndahaku ha naho’ỹsã guasúi. Hakukue oñemombytekuaa 22 °C, ha arahaku aja katu hakuvéramo ohupyty 39 °C ha araro’y aja ho’ysãvéramo ohupyty 3 °C.
Demografía
Emboscada-pe oiko 13.472 tapicha rupi, umíva apytépe 6.979 kuimba’e ha 6.493 kuña, he’iháicha, Dirección General de Estadísticas, Encuestas y Censos.
Ekonomia
Tembiapo omongu’evéva economía hína ita ñeguenohẽ itatýgui.
Ámbue tembiapo ojapóva tapichakuéra ko tavaygua hína café ñeñotỹ ha aceite de almendras de coco ñeguenohẽ; avei ojepirakutu ysyry Paraguáipe.
Hekoasakue
Tapichakuéra oñepyrũva’ekue oiko Emboscada-pe ha’e umi tembiguái isãsoramóva ha ouva’ekue Brasil-gui, sa’ary XVIII aja.
1816 oñemopu’ã Penitenciería de Máxima Seguridad del Paraguay, Ka’irãi Emboscada-pegua, péva oĩ gueteri ko’ág̃a meve, dictadura aja ko ka’irãime ojegueraha umi ho’áva politica-kuére.
Turismo
thumb|300px|left|San Francisco Solano Tupão Emboscada-pe
Compañía de Minas, Emboscada-pe, 24 jasypokõi ojejapo fiesta patronal oñemomorãvo [San Francisco Solano]]-pe. Vy’aguasuhápe oñemboguata sánto patrono, ha pevarã imboguatahára omoĩ tovara’anga ha ojeroky mbotapu púpe, ogueromandu’a hag̃ua ijypykuéra tembiguái kamba ha oguata pe táva rapekuéra rehe tupão peve. Upéva ári oĩ banda folklórica ha heta tembi’u yma. Promesero ha iñemoñarekuéra oñemonde mymba ovevéva rague ha pakova pirépe, oñembyaty okarasúpe, ojeroky ha oñembo’e ome’ẽ mbotávo aguyje San Francisco-pe oipytyvõ haguére chupekuéra.
Tupão franciscano oñemomorãhápe San Agustín-pe, oñemopu’ãva’ekue 1774-me, péva ojapo Pa’i Amancio González, umi jeguaka ha ta’anga yvra ojejapo franciscano-kuéra ojapoháicha, tupão ogyke, hokẽ ha hovetã oñemoha’angava’ekue sa’ary XVIII-pe.
Artesanía-pe ko távape oñemba’apove sombréro karanda'y apópe (tipo de palmera), pejuha ha abanicos. Avei oñemba’apo sapatu, mba’ehe’ẽ, ka’ygua yvyraguigua (mba’yru ojekayu’u ha ojetere hag̃ua) ha tembiporu ysypo (lianas) guipa apópe.
Oreko pirámide hecharamombýva ojejapyhyva’ekue "patrimonio municipal" ramo, oporohesareraháva.
thumb|340px|Jeroky San Francisco Solano jeguerohoryrã
Tapicha ojekuavéva upepegua
Pa’i Amancio González Emboscada-gua.
Mba’yruguata
Opyta 38 km Paraguaýgui, oñeg̃uahẽ upépe Ruta III “Gral. Elizardo Aquino” rupi.
Táva Emboscada guive ikatu oñeg̃uahẽ Nueva Colombia peve, ko táva guive katu Loma Grande peve, peteĩ ruta hũ rupi. Loma Grande guive oñeg̃uahẽ Altos, Atyrá ha San Bernardino-pe. Opaite ko’ã táva oreko ruta hũ ombojoajúva chupekuéra Ruta II ndive.
Referencias
- Geografía Ilustrada del Paraguay, Distribuidora Arami SRL; 2007. ISBN 99925-68-04-6
- Geografía del Paraguay, Primera Edición 1999, Editorial Hispana Paraguay SRL
Enlaces externos
This article uses material from the Wikipedia Avañe'ẽ article Emboscada, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.