Tesãi Arapygua Atyguasu térã OMS (ñe'ẽmbyky karaiñe'ẽgui: Organización Mundial de la Salud) atyvete Tetãnguéra Joaju atyguasúgui (ONU) oñangarekóva umi tembiapo guasúre opaite yvypóra resãi rehegua, ko atyguasu rekorãme tesãi he'ise yvypóra pireporãmba reko, hete, iñapytu'ũ ha ijokupyty oiko hekopetévo, ha ndaha'éi hasy'ỹnte ha mba'asy'ỹnte.
Ko aty oñepyrũ peteĩ amandajéicha ombohapéva mba'épa ojapo va'erã ONU avano'õre ha viru remimono'õre, ha upéi mante oñemoambue ha oñemohenda ko'ãga oikóicha. Ko aty guasu ñembyaty peteĩha oiko táva Ginebra-pe (Suísa retãme) ary 1948-pe.
OMS ñembyatýpe oike 194 tetã, opa umi tetã ONU ñembyatýpe oikéva, hákatu ndaipóri OMS-pe Liechytenteĩ, Tetãvore Joapykuéra ha mokõi yvy pehẽngue noĩri ONU-pe: Niue ha Ypa'ũnguéra Cook.
This article uses material from the Wikipedia Avañe'ẽ article Tesãi Arapygua Atyguasu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.