پلۊتؤن
پلۊتؤن (فرانسوي مئن: Pluton) (نماد: و ) ايته پاچ ٚ سىاره ايسه کي کلاىد تامبا ۱۹۳۰ ميلادي سال ٚ مئن اۊن-أ بيافته ؤ تا ۲۴ آگؤست ۲۰۰۶ خۊري منظۊمه نؤهؤمي سىاره محسۊب بؤستي، ولي هأسأ اۊن-أ ايته پاچ ٚ سىاره دأنده.
ألبت بأضي ستاره شيناسان أ تخسيمان ٚ أمرأ مۊخالف ايسد ؤ گده کي وا پلۊتؤن-أ باخي خۊري منظۊمه سیاره‌ئن ٚ مأنستن ايجايي ايته جرگه مئن نهأن.
پلۊتؤن کؤنه رۊمي أفسانه‌ئن ٚ مئن ايته جيرزيمي خۊدا نام ايسه ؤ أ نام نهأن أن ٚ وأسي بۊ کي پلۊتؤن خۊر ٚ جه پۊر فاصله دأره. پلۊتؤن سیاره‌ئن ٚ ليست خارج بؤستن ٚ پسي، پيله‌ترين فضايي جسم خۊري منظۊمه دۊرۊن محسۊب به. أوول وار ۱۴ جۊلاي ۲۰۱۵، ۱۱:۴۹ (UTC)، نيۊ هؤراىزنز ٚ فضامج پلۊتؤن ٚ ورجه رد-أ بؤسته کي أوولي فضايي مأمۊريتي بۊ کي بتانسته پلۊتؤن ٚ ورجه فأرسه.
پلۊتؤن ٚ سىاره سنگ ؤ ىئخ ٚ جه چأگۊده بۊبؤسته. پلۊتؤن ٚ قؤطر ۲,۳۷۰ کيلۊمتر ايسه ؤ اۊن ٚ فاصله زيمي جه ۷,۵ ميليارد کيلۊمتر-أ ني فأرسه. چار ته سيأ خال پلۊتؤن ٚ سر نهأ کي دانشمندان ٚ ره جالب ايسه ؤ اۊن ٚ سر تحقيق-أ درن.
پلۊتؤن جرم ؤ حجم ٚ نظر ٚ جه هيفدهؤمي جسم خۊري منظۊمه مئن ايسه.
سربس
This article uses material from the Wikipedia گیلکی article پلۊتؤن, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.