Dwargplaneet Pluto: Dwargplaneet
Pluto (symbolen: en ) is een dwargplaneet in de Kupergördel (een dikke bulte groes van stien en ies achter Neptunus, in de op ien nao butenste contrei van 't zunnestelsel).
De dwargplaneet krig zien name van de Romeinse god van de onderwereld, Pluto.
Pluto wördden in 1930 opemarkt deur de Amerikaanse steernskundige Clyde Tombaugh en stund töt 2006 te boek as de negende planeet. In det jaor klassificeerde de Internationale Astronomische Unie Pluto as een dwargplaneet: der waren ja nog wiedere objecten van vergeliekbere grootte ontdekt in de Kupergördel en in de verstreide schieve. In de catalogus van planeetachtigen vien ie Pluto onder nummer 134340.
De slim excentrische (van een cirkel ofwiekende) bane van Pluto lig veur een groot diel buten die van Neptunus. Pluto döt der 248 jaor aover um um de zunne henne te dreien, en lig daor gemiddeld haoste veertigmaol zo wied vanof as de Eerde.
Pluto hef vief maonen. De grootste daorvan, Charon, hef zoveule massa det Pluto en Charon rond een mandielig zwaortepunte dreit det buten 't oppervlak van Pluto zölf lig. Daorumme bint der goenend die de beide hemellichamen ziet as een dubbel-dwargplaneet.
 | Dit artikel is eschreven in 't Zuudwest-Drèents. |
This article uses material from the Wikipedia Nedersaksisch article Pluto (dwargplaneet), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.