Victor Grignard: Químico francés
Francois Auguste Victor Grignard, nado en Cherburgo o 6 de maio de 1871 e finado en Lión o 13 de decembro de 1935, foi un químico e profesor universitario francés, máis coñecido como Victor Grignard.
En 1912 recibiu o Premio Nobel de Química.
 Victor Grignard | |
| Nome orixinal | (fr) François Auguste Victor Grignard  |
|---|---|
| Biografía | |
| Nacemento | 6 de maio de 1871 Cherbourg, Francia |
| Morte | 13 de decembro de 1935 Lión  Francia |
| Lugar de sepultura | Q66689936  |
| Datos persoais | |
| Residencia | Francia |
| País de nacionalidade | Francés |
| Educación | Universidade de Lión |
| Director de tese | Philippe Barbier (pt) |
| Coñecido por | Reactivo de Grignard |
| Actividade | |
| Campo de traballo | Química orgánica |
| Ocupación | químico , profesor universitario |
| Empregador | University of Lyon (en) (1929–) École supérieure de chimie, physique, électronique de Lyon (pt) (1919–) Université de Nancy (en) (1909–) University of Franche-Comté (en) (1905–) |
| Membro de | |
| Lingua | Lingua francesa |
| Obra | |
| Doutorando | Charles Hippolyte Courtot (en) |
| Familia | |
| Cónxuxe | Augustine Marie Boulant (1910–) |
| Premios | |
  | |
Lista
| |
Traxectoria
Fillo dun obreiro dos estaleiros de Cherbourgo, Victor Grignard estudou na Facultade de Ciencias da Universidade de Lión. Alcanzou o grao de Doutor en Ciencias en 1901, sendo profesor de química na mesma universidade ata 1909. De 1910 a 1919 ensinou na Universidade de Nancy, volvendo novamente á de Lión, onde ensinaría de 1919 a 1935.
Durante a primeira guerra mundial foi mobilizado e encargado da vixilancia das vías férreas, antes de participar na procura de gases militares (fosgeno e o gas mostaza) e explosivos.
Investigacións científicas
O seu descubrimento máis importante foi o dos compostos organomagnesianos, chamados reactivos de Grignard. Este descubrimento proporcionou á química orgánica un método novo de síntese que se coñece co nome de reacción de Grignard.
En 1912 foi galardoado coa metade do Premio Nobel de Química polos seus estudos na química dos alcois mediante a reacción Grignard. A outra metade do premio recaeu en Paul Sabatier polo seu método de hidroxenación de compostos orgánicos en presenza de metais.
O 7 de xuño de 1926, foi elixido membro non residente da Academia de Ciencias francesa.
Baixo a súa dirección e con grandes achegas súas, foi editado o Traité de chimie organique (Tratado de química orgánica, 23 vols., 1935-1954).
Véxase tamén
Ligazóns externas
- Páxina web do Instituto Nobel, Premio Nobel de Química 1912 (en inglés)
- Biografía na páxina do Instituto Nobel(en inglés)
- Perfil de Victor Grignard en NNDB (en inglés)
| Predecesor: Marie Curie | Premio Nobel de Química 1912 con Paul Sabatier | Sucesor: Alfred Werner |
This article uses material from the Wikipedia Galego article Victor Grignard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.