Mercedes Queixas: Escritora galega

Estudou no IES de Monelos e licenciouse en Filoloxía Hispánica, subsección galego-portugués, na Universidade da Coruña. En 1996 aprobou as oposicións de secundaria na especialidade de Lingua Galega e Literatura. Exerceu o primeiro ano no IES Monelos e logo no CPI Alcalde Xosé Pichel, de Coristanco, labor que compaxinou desde 2005 coas funcións de secretaria xeral da Asociación de Escritoras e Escritores en Lingua Galega. Entre 2007 e 2010 foi coordinadora territorial de Equipos de Normalización e Dinamización Lingüística da provincia da Coruña, dependente da Secretaría Xeral de Política Lingüística. Entre 1995 e 2000 foi coordinadora da editorial Laiovento. Formou parte da cerna de ProLingua, e é membro da Sección de Lingua, Literatura e Comunicación do Consello da Cultura Galega. Dende decembro de 2018 é membro correspondente da Real Academia Galega.

Publicou colaboracións en La Voz de Galicia, El Ideal Gallego, Sermos Galiza e Nós Diario.

Traxectoria política

Nas eleccións autonómicas de 2020 ocupou o terceiro posto da candidatura do BNG pola provincia da Coruña sendo elixida deputada do Parlamento de Galicia.

Nas eleccións ao Parlamento galego de 2024, saíu elixida deputada pola Coruña.

 

Ensaio

• Os trobadores do Reino de Galiza: Martín Códax, Mendiño, Xoán de Cangas (1997), A Nosa Terra, 61 páx. ISBN 9788489976085.
• Breve historia da literatura galega (1999), A Nosa Terra, 62 páx. ISBN 9788489976740.
• Frei Martín Sarmiento. O inicio da recuperación da conciencia galega (2002), Laiovento, 113 páx. ISBN 8484870065
• Lingua e Literatura: 1º ESO (2003), A Nosa Terra, 198 páx. ISBN 8496202011.
• Lingua e Literatura: 2º ESO (2003), A Nosa Terra, 202 páx. ISBN 8496203018.
• Ramón Piñeiro. A expresión cultural dunha estratexia política (2009), Laiovento, 157 páx. ISBN 9788498653588.
• Vivir, unha aventura irrepetíbel. Biografía de María do Carme Kruckenberg, (2011), Galaxia, 266 páx.
• Lois Pereiro. A urxencia poética dun futuro alleo (2011), Laiovento, 87 páx. ISBN 9788484872054.
• Labrego con algo de poeta. Biografía de Manuel María (2016), Galaxia, 186 páx. ISBN 9788498656763.
• Manuel María, palabra viva de amor e afirmación (2016), La Voz de Galicia, 141 páx. ISBN 9788497573030.
• De pergamiños, follas voandeiras e libros ao .gal. Breve historia da literatura galega (2016), Xerais, 228 páx. ISBN 9788499149837.

Literatura infanto-xuvenil

• Xandra, a landra que quería voar (2017), Urco Editora. Ilustracións de Paula Pereira. ISBN 9788416121953.

Poesía

Partituras (2019), con Xoán Carlos Domínguez Alberte. Laiovento. 134 páxs. ISBN 84-8487-448-5.

Traducións

• Nacionalismos no mundo, de Francisco Letamendia, (1997), Edicións Laiovento, 192 páx. ISBN 84-89896-02-X.
• España uniforme, de José Ignacio Lacasta-Zabalza (2001), Edicións Laiovento, 302 páx. ISBN 84-89896-88-7.

Edicións

• O morto asasinado e outros contos, de María do Carme Kruckenberg, 2018, Galaxia.
• Queixas, M.; Sánchez, C. (eds.). Renacer á descuberta das palabras. De Nós. Monografías con perspectiva galega. Sermos Galiza. ISBN 978-84-09-01583-2. 

 

Obras colectivas

• La Galiciana, de Xan da Cova, 1995, Cadernos de Teatro, A Coruña. Con Anxo Gómez.
• Historia da literatura galega, 1996, A Nosa Terra-Asociación Sociopedagóxica Galega. ISBN 84-89679-00-2.
• Obra literaria e xornalística: antoloxía, de Valentín Lamas Carvajal, 1996, AS-PG/A Nosa Terra. Edición con Pilar García Negro e Anxo Gómez.
• Historia xeral da literatura galega, 2001, A Nosa Terra. Con Anxo Gómez Sánchez.
• Linguas non normalizadas: presente e futuro. Actas do congreso (Pazo da Cultura de Pontevedra, 15, 16, 17 de novembro de 2001), 2002, AS-PG. Coordinadora con Gonzalo Constenla e Anxo Gómez Sánchez.
• 55 mentiras sobre a lingua galega 2009, Laiovento.
• Ano Internacional das Linguas, 2008. Xornadas de Divulgación, 2008, Concello de Noia.
• En defensa do Poleiro. A voz dos escritores galegos en Celanova, 2010, Toxosoutos.
• Lois Pereiro en 17 voces, 2011, La Voz de Galicia.
• Contos de taberna, 2014, Edicións Embora.
• 150 Cantares para Rosalía de Castro (2015, libro electrónico).
• Antonio Fernández Morales, autor berciano. Bicentenario do seu nacemento (1817-2017) (Edicións Fervenza, 2017).
• Libres e vivas (2021). Galaxia. 196 páxs. ISBN 978-84-9151-586-9.

• Premio de ensaio da Asociación de Escritoras e Escritores en Lingua Galega no 2012, por Vivir, unha aventura irrepetíbel. Biografía de María do Carme Kruckenberg.
• Premio de ensaio da II Gala do Libro Galego no 2017, por Labrego con algo de poeta.

Wiki Commons ten máis contidos multimedia na categoría:  Mercedes Queixas

Ligazóns externas

• Mercedes Queixas na páxina web da Asociación de Escritoras e Escritores en Lingua Galega.
• Blog de Mercedes Queixas
• Entrevista a Mercedes Queixas CEIP Raquel Camacho