Sophie Rostopchine, máis coñecida como Condesa de Ségur e que tivo como primeiro nome Sofia Feodorovna Rostopchina (ruso: Софья Фёдоровна Ростопчина), nada o 1 de agosto de 1799 en San Petersburgo e finada o 9 de febreiro de 1874 en París), foi unha escritora francesa de orixe rusa, sobre todo coñecida pola súa novela infantil Les Malheurs de Sophie.
Orixinaria dunha familia nobre que remontaba a súa xenealoxía á familia de Xenxis Kan, seu pai foi o Conde Feodor Rostopchin tenente xeneral e máis tarde ministro de asuntos exteriores ruso e gobernador militar de Moscova durante a invasión de Rusia por Napoleón. Súa nai era a aristócrata Ekaterina Petrovna Rostopchina. Sophie pasou a súa infancia no dominio de Voronovo, próximo a Moscova. Recibe unha educación na que primaba a aprendizaxe de linguas estranxeiras, en especial do francés, a partir dos trece anos, tras a conversión de súa nai ao catolicismo recibe unha educación nesa fe. En 1814 seu pai caeu en desgraza, marchando ao exilio, residindo en varios países ata que en 1817 se establece en París e chama á súa familia para que residen ao seu lado. Establecida na capital francesa, Sophie coñeceu a Eugène de Ségur con quen casou en 1819 e con quen tivo oito fillos. Comezou a escribir a unha idade madura, publicando a súa primeira obra en 1855, un libro con consellos médicos pediátricos.
Commons ten máis contidos multimedia sobre: Sophie Rostopchine |
This article uses material from the Wikipedia Galego article Sophie Rostopchine, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.