Sergei Mikhailovich Prokudin-Gorskii

Estudou química con grandes especialistas en San Petersburgo, Berlín e París e desenvolveu unha técnica propia para tirar fotografías en cor. O seu proceso empregaba unha cámara que tiraba unha serie de fotos monocromáticas nunha secuencia moi rápida, cada unha a través dun filtro de cor diferente. Ó proxectar as tres fotos monocromáticas coa luz da cor axeitada era posible reconstruír a escena coas cores orixinais. Non obstante, non dispuña de mecanismo para realizar impresións das fotos que obtiña. Cara a 1905 Prokudin-Gorskii concibiu o proxecto de documentar co seu método a historia, cultura e modernización do Imperio ruso para que fose utilizado nas escolas do Imperio, o que contou co total apoio do tsar Nicolao II, que puxo á súa disposición un tren equipado cunha cámara escura e o acceso a áreas restrinxidas.