Sergei Mihailovič Prokudin-Gorskii (ven.: Сергей Михайлович Прокудин-Горский; sünd.
30. eloku 1863, Funikmägi-külä, Pokrovan makund, Vladimiran gubernii, Venäman imperii — kol. 27. kül'mku 1944, Pariž, Francii) oli tutab venämalaine fotograf, melestegii da matkadai. Mendelejevan openik-himik, mujufotografijan edelkävui Venämas. Melestegijaks poleni mujufotoladimen avaidamižaigad i vl 1905 patentui sensibilizatoran paremboittud mülündad samha kuvan londuseližid mujuid. «Venäman imperijan mel'heižtahoiden keradusen» sädai (läz 3,5 tuhad kuvid) ičeze abunikoidenke.
Prokudin-Gorskii Sergei | |
Sergei Prokudin-Gorskii, 1912-nden voden fotografii | |
nimi sündundan jäl'ghe: | ven.: Сергей Михайлович Прокудин-Горский |
---|---|
radmižen toižend: | fotograf, himik, leiutaja, kirjastaja, pedagoog, opendai, reisija |
sündundan dat: | 18 (30) eloku 1863 |
sündundan sijaduz: | Funikova Gora[d], Pokrov Uyezd[d], Vladimiri kubermang[d], Venemaa keisririik[d][1][2][3] |
valdkund: | |
kolendan dat: | 27. sügüz'ku 1944[4] (81 vot) |
kolendan sijaduz: | |
sait: | |
Prokudin-Gorskii Sergei VikiAitas |
Sergei libui bajarišton Prokudin-Gorskii-roduspäi. Oli sündnu rodun Funikmägi-usadibha. Openui Aleksandr-imperatoran liceiš (Piter) koume vot vhesai 1886, sid' Piterin universitetan fiziž-matematižes fakul'tetas (reduku 1886 — kül'mku 1888). Avaiži fotoedheotandad vn 1901 2. päiväl elokud Piteriš, hänen kanz eli siš-žo pertiš kümne vot. Sai Nikolai II-imperatoran mödabud, matkazi Venämadme vll 1904−1916 ičeze rahoil.
Prokudin-Gorskii nai vl 1890. Anna Lavrova (1870−1937) oli hänen ak, Gatčinan tegimiden sebrusen Lavrov-direktoran tütär. Lapsed: Dmitrii (1892), Jekaterina (1893), Mihail (1895). Mirgirui Evropha vl 1918, radoi Lümjer-vellidenke Nicc-lidnas. Nai kahtenden kerdan vl 1920, oti Marija Ščedrina-assistentad akaks, Jelena-tütär oli sündnu sil-žo vodel. Fotograf sirdi heidenke Parižha vl 1922 i ühtištui ičeze eziauguiženke kanzanke mugažo. Sädi Elka-fotostudijad koumenke täuz'kaznudenke lapsenke, nimiti noremban tütren mödhe. Lugi lekcijoid Venämas venänikoile Francijadme fotonegativid ozutaden. Om mahapandud venänikoiden kaumžomas Parižan Sent-Ženevjev-de-Bua-ezilidnas. AÜV:oiden Kongressan kirjišt osti negativid jäl'gnikoil vl 1948, i vhesai 1980 ned ei olgoi tetabad.
Prokudin-Gorskii Sergei Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Prokudin-Gorskii Sergei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.