Satyendra Nath Bose (en bengalí: সত্যেন্দ্রনাথ বসু, Satyendranāth Basu) , nado en Calcuta o 1 de xaneiro de 1894 e finado na mesma cidade o 4 de febreiro de 1974, foi un físico indio especializado en física matemática.
É coñecido polo seu traballo en mecánica cuántica nos anos 1920, provendo as bases para a estatística de Bose-Einstein e a teoría do condensado de Bose-Einstein. O bosón (unha das partículas elementais) é chamado así na súa honra. Foi premiado co segundo recoñecemento civil máis alto da India, o Padma Vibhushan, en 1954.
Nome orixinal | (bn) সত্যেন্দ্রনাথ |
---|---|
Biografía | |
Nacemento | 1 de xaneiro de 1894 Calcuta, India |
Morte | 4 de febreiro de 1974 (80 anos) Calcuta, India |
Datos persoais | |
Residencia | India |
País de nacionalidade | India (1950–) Raj Británico (–1947) |
Relixión | Hinduísmo |
Educación | Universidade de Calcuta Universidade de Daca |
Coñecido por | Estatística de Bose-Einstein, bosóns |
Actividade | |
Campo de traballo | Física matemática (pt) |
Ocupación | físico , político , matemático , profesor universitario |
Empregador | Universidade de Calcuta (1947–1956) Universidade de Daca (pt) (1921–1947) |
Membro de | |
Profesores | Jagadish Chandra Bose (pt) |
Alumnos | Asima Chatterjee |
Influencias | |
Lingua | Lingua bengalí, lingua inglesa, lingua alemá, lingua francesa, Lingua sánscrita e lingua hindi |
Obra | |
Obras destacables | |
Doutorando | Purnima Sinha (en) |
Familia | |
Cónxuxe | Ushabati Bose |
Pais | Surendra Nath (en) e Amodini Devi (en) |
Premios | |
Foi o maior de sete irmáns. Seu pai, Surendranath Bose, traballou no Departamento de Enxeñaría dos Ferrocarrís do Leste da India.
Bose asistiu á escola secundaria hindú en Calcuta e logo á Facultade da Presidencia, tamén en Calcuta, obtendo sempre as máis altas cualificacións. De 1916 a 1921 foi profesor no departamento de física da Universidade de Calcuta. En 1921 pasou a formar parte do departamento de física da nova Universidade de Dacca (agora chamada Universidade de Dhaka), novamente como profesor, até 1945. Logo volveu a Calcuta e deu clases na Universidade de Calcuta até 1956, data na que se retirou da docencia e foi nomeado profesor emérito.
O seu maior logro científico obtívoo cando lle enviou un manuscrito a Albert Einstein para que este o revisase e traducise. Einstein quedou marabillado co traballo e recomendouno para a súa publicación. O manuscrito foi a semente do que despois se coñeceu como o condensado de Bose-Einstein.
Wiki Commons ten máis contidos multimedia na categoría: Satyendra Nath Bose |
A Galipedia ten un portal sobre: India |
This article uses material from the Wikipedia Galego article Satyendra Nath Bose, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.