Proboscídeos

Proboscídeos Rango fósil: Paleoceno – Actualidade
Elefante africano de sabana, Loxodonta africana
Clasificación científica
Reino: Animalia Filo: Chordata Subfilo: Vertebrata Clase: Mammalia Orde: Proboscidea
Familias
Elephantidae †Gomphotheriidae †Mammutidae †Stegodontidae †Barytheriidae †Deinotheriidae †Moeritheriidae †Numidotheriidae †Palaeomastodontidae †Phiomiidae

Esta orde, descrita por vez primeira por J. Illiger en 1811, abarca ós mamíferos con trompa. Os proboscídeos modernos distínguense polos seus longos cairos e trompas musculares. Estas características eran menos desenvolvidas ou ausentes nos primeiros proboscídeos.

O proboscídeo máis antigo que se coñece é o Eritherium, seguido polo Phosphatherium, un pequeno animal do tamaño dun raposo. Ambas especies pertencen ó Paleoceno tardío e foron atopados en Marocos.

Os proboscídeos diversificáronse durante o Eoceno e o Oligoceno. Moitas familias foron descritas dese período, incluíndo os Numidotheriidae, Moeritheriidae e Barytheriidae en África, e os Anthracobunidae do subcontinente indio. Estes foron seguidos polos Deinotheriidae, que prosperaron durante o Mioceno e no Cuaternario. Os proboscídeos do Mioceno tamén inclúe ós Stegolophodon, un xénero da familia en disputa Stegodontidae; a diversa familia dos Gomphotheriidae, como os Platybelodon e Amebelodon; e os Mammutidae e mastodontes.