Navegador Opera: Navegador web

Opera é de balde dende a súa versión 8.50, sendo anteriormente shareware ou adware (con publicidade), e antes da súa versión 5.0 era de pago exclusivamente.

Opera
Desenvolvedor(es)	Opera Software
Última versión	31.0.1889.174 (18 de agosto de 2015)
Sistema operativo	Windows, OS X, Linux, Solaris, FreeBSD, OS/2, QNX
Lingua/s	Varias Galego: Si (Dende a versión 8.00 en www.egalego.com)
Tipo	Navegador web
Licenza	Freeware dende a versión 8.51
Sitio web	http://www.opera.com

O navegador Opera é coñecido pola súa velocidade, seguridade, soporte de estándares (especialmente CSS), tamaño reducido, *intercionalidade e constante innovación. Foi un dos primeiros navegadores en incluír "lapelas" para a navegación pola web, sendo esta a principal característica nas súas primeiras versións. A versión 6 foi a primeira en contar con soporte de codificacións internacionais, e non foi ata a versión 7, reconstruída dende os cimentos, que contou con compatibilidade total con especificacións como DOM (Document Object Model), CSS2 (Cascading Style Sheets, segunda revisión) e XHTML (Extensible Hypertext Markup Language ou HTML extensible). A versión 7.6, unha versión de previsualización técnica ou Alfa, incluíu un novedoso sistema de recoñecemento de voz baseado en XML (VoiceXML), facilitando así a accesibilidade, que se mantivo na versión 8. Posteriormente, á mesma versión 8 agregóuselle soporte nativo de gráficos SVG Tiny.

As súas maiores distribucións son para Windows, OS X e Linux, mais atópase tamén dispoñible para unha variedade doutras plataformas, incluíndo OS/2, Solaris e FreeBSD. Ademais, existen versións para unha ampla variedade de dispositivos móbiles (xeralmente, de pago).

• Soporte de RSS e Atom (sindicación de contido): Cando un sitio web ofrece este servizo, Opera mostra unha icona na barra de dirección para subscribirse e comprobar automaticamente o novo contido do mesmo.
• Cliente de correo integrado (chamado M2): Destaca por ser moi pequeno (ocupa 40 KB no disco duro) e completo.
• Identificador (administrador de usuarios/contrasinais): Ofrece a posibilidade de recordar datos de acceso de calquera sitio web que así o requira, xa sexa recordar datos só para a páxina actual, todo o servidor, non para a páxina actual ou non para todo o servidor.
• Administrador de descargas: Permite, entre outras cousas, pausar calquera descarga e continuala cando así se requira (especialmente útil con arquivos grandes), ou realizar múltiples descargas simultaneamente levando unha mellor monitorización, así como poder levar un historial das mesmas.
• Cliente de chat IRC.
• Navegación por sesións: Permite gardar a sesión de navegación actual e volver retomala. Así, o usuario pode pechar o navegador, e abrilo máis tarde tendo exactamente as mesmas páxinas abertas que cando o pechou.
• Administrador de cookies (pegadas): Permite explorar/buscar as cookies polo sitio ou usuarios do identificador, ademais de mostrar en detalle a información contida nas mesmas.
• Notas: Permite almacenar pequenos textos asociados á páxina que se estea visitando.
• Soporte de estándares. Soporta CSS 2.1, XHTML 1.1, HTML 4.01, WML 2.0, ECMAScript, DOM 2 e SVG 1.1 tiny.
• Eliminar información privada. Permite eliminar con só un clic cookies, datos e páxinas protexidos por contrasinal, caché, historial de páxinas visitadas, historial de direccións escritas, historial de enlaces visitados, historial de arquivos descargados e outros tipos de información privada.
• Navegación por voz: Só en inglés e para Windows 2000/XP.
• Navegación por medio de tabs (pestanas).
• Zoom nas páxinas: Permite ver o contido de calquera páxina a distintas escalas; isto resulta útil para ver imaxes que exceden as dimensións do monitor, ou páxinas que son máis anchas que a pantalla, polo que resultan difíciles de ler noutros navegadores.
• Bloqueo de popups (fiestras emerxentes).

As principais novidades da versión 9.0 de Opera son:

• Inclusión dun xestor de descargas BITTORRENT, un protocolo que está conseguindo un grande éxito en Internet, pese a que ultimamente se viu tamén perseguido polas asociacións de protección dos dereitos de propiedade intelectual, o que motivou tamén unha certa polémica coa súa inclusión en Opera. O xestor de descargas do navegador noruegués é agora transparente as descargas que se realizan mediante HTTP, FTP ou BITTORRENT.
• Previsualización do contido das pestanas en thumbnails. Agora, cando nos sitúemos sobre unha pestana, poderemos ve-lo que contén en forma dunha pequena imaxe flotante (o que tecnicamente se coñece como thumbnail).
• Uso de Widgets, pequenas aplicacións que se poden situar no escritorio do noso sistema operativo engadindo funcionalidades. Son idénticos ós que facilita Mac VOS X ou o Windows Vista.
• Bloqueador de contido. Podemos impedi-la visualización de imaxes ou outros elementos dunha páxina web con tan só unha pulsación de teclado e rato.
• Posibilidade de configura-la nosa ferramenta de busca, tal e como xa inclúen a maioría dos navegadores.
• Editor de texto avanzado.

• Opera 2.1 - 1996
• Opera 3.0 - 1998
• Opera 4.0 - 28 de xuño do 2000
• Opera 5.0 - 6 de decembro do 2000
• Opera 6.0 - 29 de novembro do 2001
• Opera 7.0 - 11 de xaneiro do 2003
• Opera 8.00 - 21 de abril do 2005
• Opera 9.00 - 21 de setembro do 2006
• Opera 10.00 - 31 de agosto de 2009
• Opera 11.00 - 16 de decembro de 2010
• Opera 12.00 - 7 de xuño de 2011
• Opera 2013 - 12 de febreiro de 2013
• Opera 2014 - 4 de marzo de 2014
• Opera 2015 - 27 de xaneiro de 2015
• Opera 2016 - 2 de febreiro de 2016
• Opera 2017 - 7 de febreiro de 2017
• Opera 2018 - 4 de xaneiro de 2018

Ligazóns externas

• Web de Opera
• Comunidade de Opera
• Opera en Galego