A galena é un mineral da clase dos sulfuros cuxa fórmula química é PbS.
É insoluble en auga e de brillo metálico.
Galena | |
---|---|
Galena | |
Fórmula química | PbS |
Clase | Sulfuros |
Sistema cristalino | Cúbico |
Cor | Gris chumbo algo máis claro se contén prata |
Brillo | Metálico |
Dureza | 2,5-3 |
Fractura | Concoidea ou irregular |
Exfoliación | Perfecta, en cubos |
Raia | Gris escura |
Densidade | 7,6 g/cm3 |
O seu aspecto cando cristaliza é o de cubos metálicos de cor agrisada, aínda que máis imperfectos cos da pirita.
A galena atópase en filóns hidrotermais, en pegmatitas e en xacementos sedimentarios sulfurosos. Aparece normalmente asociada á pirita, á calcopirita, á barita e á esfalerita.
Debido á súa alta porcentaxe en chumbo (o 86,6%), a galena utilízase como fonte deste elemento. Algunhas veces a presenza de prata (galena argentífera) neste mineral provocou que se utilizase tamén como fonte da mesma.
Antigamente utilizábase na fabricación de esmaltes cerámicos.
Outros minerais nos que a presenza de xofre é destacada son:
A marcasita, a arsenopirita, a pirita, a calcopirita, a pirrotina e o cinabrio.
This article uses material from the Wikipedia Galego article Galena, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.