Галені́т — мінерал, сульфід свінцу (II).
Хімічная формула PbS. Сінонімы: свінцовы блішчак, свінцовы бляск.
Галеніт | |
---|---|
Формула | PbS |
Прымесь | Ag, Cd, Se, Cu, Zn, Sb |
Колер | Свінцова-шэры |
Колер рысы | Шэра-чорная |
Бляск | Металічны |
Празрыстасць | Непразрысты |
Цвёрдасць | 2,5 |
Спайнасць | Дасканалая па {111} |
Шчыльнасць | 7,2—7,6 г/см³ |
Змяшчае каля 86,6 % свінцу. Часта змяшчае прымесі срэбра, кадмію, селену, вісмуту, волава, медзі, цынку і інш. Утварае свінцова-шэрыя крышталі і агрэгаты. Цвёрдасць 2—3 па шкале Моаса. Шчыльнасць 7,4—7,6 г/см³. Крохкі. Колер сталёвы, шэры з блакітнаватым адлівам, часам прысутнічае пярэстая пабегласць, бляск металічны, злом ступеньчаты, далікатны. Спайнасць дасканалая па кубе. Утварае кубічныя, кубаактаэдрычныя, радзей актаэдрычныя крышталі і суцэльныя масы. Электраправодны.
Радовішчы гідратэрмальныя і метасаматычныя ў ЗША, Расіі і інш. Сустракаецца ў асацыяцыі з бурнанітам. На тэрыторыі Беларусі сустракаецца ў крышталічных фундаментах і пародах дэвону і карбону.
Руда на свінец і серабро.
Галеніт на Вікісховішчы |
This article uses material from the Wikipedia Беларуская article Галеніт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.