Atanasio López Fernández: Historiador e relixioso franciscano español
Atanasio López-Ordóñez y Fernández, O.F.M., nado en Boñar (provincia de León) o 12 de outubro de 1876 e finado en Santiago de Compostela o 1 de marzo de 1944, foi un relixioso franciscano, historiador, cronista xeral da provincia de Santiago, prolífico escritor e membro numerario da Real Academia Galega.
  | |
| Biografía | |
|---|---|
| Nacemento | 12 de outubro de 1876 Boñar, España |
| Morte | marzo de 1944 (67 anos) Santiago de Compostela, España |
| Datos persoais | |
| País de nacionalidade | España |
| Actividade | |
| Ocupación | escritor , monxe |
| Membro de | |
| Lingua | Lingua castelá |
| Orde relixiosa | Orde Franciscana |
Traxectoria
Tomou o hábito franciscano en Compostela en 1891, e ordenouse sacerdote en 1899. Dirixiu El Eco Franciscano en 1904 a 1905, ano no que foi destinado a Quaracchi, Florencia. Colaborou no Archivum Franciscanum Historicum (1908) e na Revista de Estudios Franciscanos. En 1915 foi nomeado correspondente da Real Academia da Historia. Foi membro de honra da Real Sociedade Económica de Amigos do País de Santiago. De 1920 a 1931 dirixiu a publicación madrileña Archivo Íbero-Americano. Publicou dous traballos en galego na revista Logos: "Conventos de Santa Clara de Pontevedra" e "Documentos galegos medievais".
A proposta de Narciso Correal, Manuel Banet e Ramón de Artaza Malvárez, ingresou na RAG o 27 de xullo de 1941, canda outros académicos que o fixeron o mesmo día, dezanove en total.
Lino Gómez Canedo foi o seu discípulo.
Obra
- Viaje de San Francisco a España, 1914.
- La provincia de España de los frailes menores, 1915.
- Estudios crítico-históricos de Galicia: conferencias leídas en el Círculo de la Juventud Antoniana de Santiago, 1916.
- "La literatura crítico-histórica y el trovador Juan Rodríguez de la Cámara o del Padrón", 1918, conferencia.
- Memoria histórica de los Obispos de Marruecos desde el siglo XIII, 1920.
- San Buenaventura en la bibliografía española, 1921.
- "El Vicariato Apostólico español de Marruecos aclaraciones necesarias", 1921.
- Los falsos cronicones en la historia de Galicia, 1923.
- Descripción de los manuscritos franciscanos existentes en la biblioteca provincial de Toledo, 1926.
- Confesores de la familia real de Aragón, 1929.
- La imprenta en Galicia. Siglos XV-XVIII, premiado en 1943 pola Biblioteca Nacional de España, editado en 1953.
- Nuevos estudios crítico-históricos acerca de Galicia, 1947, con introdución e notas de Lino Gómez Canedo.
Notas
Véxase tamén
Bibliografía
- "López-Ordóñez Fernández, Atanasio". Enciclopedia Galega Universal 11. Ir Indo. 1999-2002. p. 254. ISBN 84-7680-288-9.
- Gómez Canedo, Lino (1944). P. Atanasio López, O. F. M. (1876-1944) in memoriam. Madrid.
- Manuel de Castro (2005). "López Fernández, Atanasio". Gran Enciclopedia Galega (DVD). El Progreso. ISBN 84-87804-88-8.
Outros artigos
- Orde franciscana
Ligazóns externas
This article uses material from the Wikipedia Galego article Atanasio López Fernández, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.