Gran Enciclopedia Galega Silverio Cañada: Enciclopedia

A versión en galego foi editada tamén en DVD.

Gran Enciclopedia Galega Silverio Cañada
Deseño da cuberta. Texto dourado sobre fondo vermello.
Autor/a	Varios.
Ilustrador/a	Virxilio Fernández e outros.
Orixe	Galicia.
Lingua	En papel: galego ou castelán, En DVD: en galego.
Tema(s)	Temática galega.
Xénero(s)	Consulta (enciclopedia).
Editorial	Ed. Silverio Cañada. Editorial Novos Vieiros Grupo El Progreso.
Data de pub.	Dende 1974.
Formato	En papel ou en DVD.
ISBN	ISBN 84-87804-03-9 ISBN 978-84-87804-03-8 ISBN 84-932970-8-9 ISBN 978-84-932970-8-4 ISBN 84-87804-88-8
Editor	Silverio Cañada Acebal
[ editar datos en Wikidata ]

A primeira edición, de corenta e tres tomos, en castelán, publicouse no ano 1974. Dirixida por Ramón Otero Pedrayo, os coordinadores editoriais foron sucesivamente Perfecto Conde Muruais, Arturo Reguera López e Xosé Ramón Fandiño Veiga, coa implicación de Xesús Alonso Montero.

Unha obra senlleira, de información fina e sotil, de síntese vital, reflexo total e perciso da realidade de Galicia no seu ser histórico e social

Ramón Otero Pedrayo

 

Trinta anos despois publicáronse en galego por dous grupos editoriais distintos, Editorial Novos Vieiros da Coruña (66 tomos) e o Grupo El Progreso de Lugo (44 tomos).

Foi dirixida por Benxamín Casal e participaron cincocentos colaboradores. Membros do consello asesor foron, entre outros, Isaac Díaz Pardo, Xosé Ramón Barreiro, Xaime Isla Couto, Alfonso Zulueta de Haz, Alfredo Conde, Víctor Freixanes, Manuel María, Basilio Losada, Xavier Alcalá, Antonio Bonet Correa, Xosé García Oro, Manuel Lucas Álvarez, Xesús Alonso Montero ou Xaime Quessada.

Hai un gran traballo de recollida de datos, de pescudas, de contrastar en fontes diferentes, de facer que todo o que deste país poida ser interesante quede reflectido nesta magna obra para que sexa realmente unha ferramenta útil de traballo e para deixar fixada enciclopedicamente o que Galicia é nos albores dun novo milenio.

Blanca García Montenegro, Presidenta do Grupo El Progreso.

Versión en DVD

A versión en DVD, en galego, é do ano 2005. Ten 100 000 entradas, 25 000 fotografías, 2500 gráficos e 500 mapas (incluíndo un mapa individual por cada un dos 315 concellos de Galicia).

Dende a portada a información preséntase en cinco apartados:

• Enciclopedia.
• Biografías, con preto de 4000 artigos.
• Heráldica, máis de 2000 entradas de apelidos e liñaxes.
• Descubre Galicia, cun índice que chega ata o nivel das parroquias.
• "Dossier", cartafol onde o usuario pode apartar a información que máis lle interese.

Ademais dispón dun apartado de anexos, unha función de procura avanzada, e un directorio de axuda.

No ano 2011 foi distribuída polo Grupo El Progreso polo prezo de 9,95 €.

Referencias

Bibliografía

• Botrel. "Enciclopedias, identidad y territorios en la España postfranquista" en Prensa, impresos y territorios en el mundo hispánico contemporáneo, PILAR (Presse, Imprimés, Lecture dans l’Aire Romane), 2002.
• Rivalan Guégo, Christine (dir.) (2016). Gran Enciclopedia Gallega (1974-1991). La forja de una identidad (en castelán). Gijón: Trea. ISBN 978-84-9704-870-5. Arquivado dende o orixinal o 12 de marzo de 2024. Consultado o 13 de marzo de 2024. 
• "XI O libro en Galicia". A grande aventura do libro, contada por el mesmo. Deputación Provincial de Ourense. 2013. pp. 102–103. ISBN 978-84-941165-1-3. 

Outros artigos

• Artigos da Gran Enciclopedia Galega
• Galipedia
• Enciclopedia Galega Universal
• Enciclopedia Temática Ilustrada A Nosa Terra
• Enciclopedia temática de Galicia

Ligazóns externas

• GranEnciclopediaGalega.com da editorial Novos Vieiros.
•   Capítulo 397: Gran Enciclopedia Galega de Ben falado, programa da TVG, 28/12/2012.