Alexander Graham Bell: Eolaí agus aireagóir Albanach-Meiriceánach (1847–1922)
Eolaí agus ceapadóir a rugadh i nDún Éideann agus a d'oibrigh i gCeanada agus sna Stáit Aontaithe ab ea Alexander Graham Bell (3 Márta, 1847 – 2 Lúnasa, 1922).
Is é Alexander Graham Bell a cheap an chéad teileafón.
.svg){kind=small}
.jpg)
Teileafón
Theastaigh ó Bell gléas cumarsáide a cheapadh a bheadh níos fearr ná an teileagraf, agus go mbeadh daoine ábalta gléas leictreach a úsáid chun labhairt le daoine a bhí i bhfad uathu. Leis an teileagraf ní fhéadfaí ach teachtaireachtaí i gcód Morse a sheoladh.
Aithnítear go forleathan é gur cheap Bell an chéad ghuthán sa bhliain 1876). Ach tá conspóid ann i gcónaí. Bhí paitinn cláraithe ar dtús ag Elisha Gray ar an 14 Feabhra 1876. Fuair Alexander Graham Bell paitinn eile ar an 7 Márta 1876 chun an teileafón a fhorbairt .. a bhí go díreach mar an gcéanna leis an méid a bhí cláraithe ag Gray cúpla seachtain roimhe sin.
Ar an 10 Márta 1876, d'éirigh le Alexander Graham Bell an chéad chomhrá teileafóin a bheith aige lena chúntóir Thomas Watson a bhí suite i seomra taobh leis. ‘Watson,’ a dúirt Bell ar an teileafón, ‘tar anseo.’ Agus chuala Watson é!
Leag Bell síos bunús an teileafóin le glacadóir ionduchtaithe a cheap sé féin chun an fhuaim a chruthú, ceangailte le sreang le tarchuradóir carbóin de chuid Thomas Edison chun comhartha leictreach a chruthú ó fhuaim an ghutha.
Sa bhéalóg d'imbhuail creathanna na fuaime san aer le scannán anuas ar chiseal gráinníní carbóin, agus d'athraigh brú an scannáin friotaíocht an chisil seo chun sruth athraitheach leictreach a chruthú mar chomhartha na fuaime.
Tharchuir Bell an chéad abairt labhartha i 1875.
Bhunaigh sé comhlacht Bell Telephone i 1877.
Aireagáin eile
Ina Shaotharlann Volta cheap Bell an fónagraf, an closmhéadar, an meá ionduchtúcháin le rudaí miotalacha taobh istigh den cholainn a bhrath, taifid chéireacha don fhónagraf. D'athraigh na haireagáin seo an domhan.
Saol
Bhí Bell ceannasach i mbunú an fhoilseacháin cháiliúil Science (Eolaíocht) i 1880.
Bhunaigh Bell an réadlann réaltfhisice in Institiúid Smithsonian, agus chuir tús le Cumann Tástála Aerga.
Rugadh Bell in Albain sa bhliain 1847 agus bhog sé go Meiriceá Thuaidh in 1870.
Chaith Bell tréimhsí dá shaol ina chónaí i gCeanada agus i Stáit Aontaithe Mheiriceá.
Tagairtí
This article uses material from the Wikipedia Gaeilge article Alexander Graham Bell, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.