Paralympyske Simmerspullen 2016

Hjiroan namen 161 lannen en 4.342 sporters diel. It wie de fyftjinde kear dat de Paralympyske Simmerspullen organisearre waarden. De iepeningsseremoanje fûn plak op 7 septimber, en de ôfslutingsseremoanje op 18 septimber. Dêrmei wiene it de earste Paralympyske Simmerspullen dy't yn 'e winter (op it súdlik healrûn) holden waarden, en ek de earsten dy't holden waarden yn Súd-Amearika en yn in Portegeesktalich lân. It sportbarren omfieme 526 ûnderdielen yn 23 ûnderskate sporten. Twa dêrfan, it kanofarren en de paratriatlon, waarden foar it earste beoefene op dizze edysje fan 'e Paralympyske Simmerspullen. Foar dit sportevenemint waarden deselde fasiliteiten brûkt dy't earder, yn augustus, brûkt wiene foar it hâlden fan 'e Olympyske Simmerspullen.

XVe Paralympyske Simmerspullen
holden yn	Rio de Janeiro (Brazylje)
jier	2016
data	7-18 septimber
organisator	IPC
dielnimmende lannen	159
dielnimmende atleten	4.342
eveneminten	526 yn 23 sporten
iepeningsseremoanje	7 septimber
slutingsseremoanje	18 septimber
edysjes
foarrige edysje	Londen 2012
folgjende edysje	Tokio 2020
Temaside  Sport

As ûnderdiel fan 'e offisjele oerienkomst tusken it Ynternasjonaal Paralympysk Komitee (IPC) en it Ynternasjonaal Olympysk Komitee (IOC) dy't sletten waard yn 2001, organisearret it gastlân fan 'e Olympyske Simmerspullen ek de Paralympyske Simmerspullen. Sadwaande waard dit sportevenemint yn septimber 2016 holden yn Rio de Janeiro, yn Brazylje, dêr't gebrûk makke wurde koe fan 'e fasiliteiten en akkomodaasjes fan 'e Olympyske Simmerspullen dy't in moanne earder, yn augustus 2016, ek yn Rio de Janeiro holden wiene. Yn 'e oanrin ta de Paralympyske Simmerspullen fan 2016 spilen de organisaasje guon fan deselde problemen parten dêr't ek de Olympyske Simmerspullen mei te krijen hân hiene. Dêrby gie it om 'e ekonomyske en politike krisis yn gastlân Brazylje; it dêr hearskjende sikafirus; de smoargens fan it wetter en it driuwende ôffal yn 'e Baai fan Guanabara; en it Russysk dopingskandaal. As gefolch fan dat lêste probleem sleat it IPC op 7 augustus alle Russyske sporters út fan dielname oan 'e Paralympyske Simmerspullen.

Der namen 159 lannen diel oan 'e Paralympyske Simmerspullen fan 2016, mei dêropta in tiim besteande út flechtlingen (de yndividuële atleten) en Koeweit, wêrfan't de sporters inkeld meidwaan mochten ûnder de Paralympyske flagge, om't it Koeweitysk Paralympysk Komitee útsletten wie fanwegen oerheidsbemuoienis mei it bestjoer. Ruslân wie hielendal útsletten, fanwegen it grutte Russyske dopingskandaal. De beslissing dêrta makke it Ynternasjonaal Paralympysk Komitee (IPC) op 7 augustus 2016 bekend. Yn totaal wiene de 4.342 dielnimmende atleten. Hjirûnder in opsomming fan 'e dielnimmende lannen, mei tusken heakjes it oantal sporters.

rang	lân	goud	sulver	brûns	totaal
1	Sina	107	81	51	239
2	Grut-Brittanje	64	39	44	147
3	de Oekraïne	41	37	39	117
4	de Feriene Steaten	40	44	31	115
5	Austraalje	22	30	29	81
6	Dútslân	18	25	14	57
7	Nederlân	17	19	26	62
8	Brazylje (gastlân)	14	29	29	72
9	Itaalje	10	14	15	39
10	Poalen	9	18	12	39
11	Spanje	9	14	8	31
12	Frankryk	9	5	14	28
13	Nij-Seelân	9	5	7	21
14	Kanada	8	10	11	29
15	Iraan	8	9	7	24
16	Oezbekistan	8	6	17	31
17	Nigeria	8	2	2	12
18	Kuba	8	1	6	15
19	Wyt-Ruslân	8	0	2	10
20	Súd-Koreä	7	11	17	35
21	Tuneezje	7	6	6	19
22	Súd-Afrika	7	6	4	17
23	Tailân	6	6	6	18
24	Grikelân	5	4	4	13
25	Belgje	5	3	3	11
	Slowakije	5	3	3	11
27	Algerije	4	5	7	16
28	Ierlân	4	4	3	11
29	Meksiko	4	2	9	15
30	Egypte	3	5	4	12
31	Servje	3	2	4	9
32	Noarwegen	3	2	3	8
33	Marokko	3	2	2	7
34	Turkije	3	1	5	9
35	Kenia	3	1	2	6
36	Maleizje	3	0	1	4
37	Kolombia	2	5	10	17
38	de Feriene Arabyske Emiraten	2	4	1	7
39	Irak	2	3	0	5
40	Hongkong	2	2	2	6
41	Kroaasje	2	2	1	5
	Switserlân	2	2	1	5
43	Yndia	2	1	1	4
44	Litouwen	2	1	0	3
45	Letlân	2	0	2	4
46	Singapoer	2	0	1	3
47	Hongarije	1	8	8	18
48	Azerbeidzjan	1	8	2	11
49	Sweden	1	4	5	10
50	Eastenryk	1	4	4	9
51	Denemark	1	2	4	7
	Tsjechje	1	2	4	7
53	Namybje	1	2	2	5
54	Argentynje	1	1	3	5
55	Fjetnam	1	1	2	4
56	Finlân	1	1	1	3
	Trinidad en Tobago	1	1	1	3
58	Kazachstan	1	1	0	2
	Sloveenje	1	1	0	2
60	Bachrein	1	0	0	1
	Bulgarije	1	0	0	1
	Georgje	1	0	0	1
	Koeweit	1	0	0	1
64	Japan	0	10	14	24
65	Fenezuëla	0	3	3	6
66	Jordaanje	0	2	1	3
67	Katar	0	2	0	2
68	Taiwan	0	1	1	2
69	Bosnje-Hertsegovina	0	1	0	1
	Etioopje	0	1	0	1
	Ivoarkust	0	1	0	1
	Uganda	0	1	0	1
73	Portegal	0	0	4	4
74	Israel	0	0	3	3
75	Mongoalje	0	0	2	2
76	de Filipinen	0	0	1	1
	Yndoneezje	0	0	1	1
	Kaapverdje	0	0	1	1
	Mozambyk	0	0	1	1
	Pakistan	0	0	1	1
	Roemeenje	0	0	1	1
	Saûdy-Araabje	0	0	1	1
	Sry Lanka	0	0	1	1

Fryske medaljes

medalje	namme	sport	ûnderdiel	datum
goud	Alyda Norbruis	baanhurdfytsen	500 m tiidrit (froulju C1-2-3)	10 septimber
goud	Liesette Bruinsma	swimmen	400 m frije slach (froulju S11)	11 septimber
goud	Tristan Bangma	baanhurdfytsen	1000 m tiidrit (manlju B)	11 septimber
goud	Alyda Norbruis	baanhurdfytsen	tiidrit (froulju C1-2-3)	14 septimber
sulver	Olivier van de Voort	swimmen	100 m rêchslach (manlju S10)	11 septimber
sulver	Liesette Bruinsma	swimmen	100 m boarstslach (froulju SB11)	13 septimber
brûns	Alyda Norbruis	baanhurdfytsen	yndividuële efterfolging (froulju C1-3)	8 septimber
brûns	Liesette Bruinsma	swimmen	50 m frije slach (froulju S11)	12 septimber
brûns	Rixt van der Horst (mei 3 oaren)	hynstesport	tiimkampioenskip	13 septimber
brûns	Liesette Bruinsma	swimmen	100 m frije slach (froulju S11)	15 septimber
brûns	Rixt van der Horst	hynstesport	yndividuële kampioenskipstest - graad II	15 septimber

• (in) Offisjele webside fan 'e Olympyske en Paralympyske Simmerspullen fan 2016
• (in) Offisjele webside fan it Ynternasjonaal Paralympysk Komitee

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons    Ofbylden dy't by dit ûnderwerp hearre, binne te finen yn de kategory 2016 Summer Paralympics fan Wiki Commons.

	Paralympyske Simmerspullen 2016
Atletyk | Baanhurdfytsen | Bankdrukken | Basketbal | Blinefuotbal | Boccia | Bôgesjitten | CP-fuotbal | Dykhurdfytsen | Follybal | Goalball | Hynstesport | Hurdsilen | Judo | Kanofarren | Roeien | Rugby | Sjitsport | Skermjen | Swimmen | Tafeltennis | Tennis | Triatlon
wizigje