Stêd Genua
Genua (Italjaansk: Genova, Liguerysk: Zena) is in stêd yn Noardwest-Itaalje, súdwestlik fan Milaan en eastlik fan Savona, oan de Ligueryske See.
It is de haadstêd fan de regio Liguerje. Yn Genua wenje om-ende-by 600.000 minsken en beskikt oer de grutste haven fan Itaalje.
| Genua (stêd) | |
|---|---|
 | |
| Flagge | Wapen |
 |  |
| Polityk | |
| Lân |  Itaalje |
| Provinsje | Genua |
| Regio |  Liguerje |
| Sifers | |
| Ynwennertal | 578.000 (2018) |
| Oerflak | 243 km² (ynkl. wetter) |
| Befolkingstichtens | 2.379 / km² |
| Hichte | ± 20 m |
| Oar | |
| Tiidsône | UTC+1 |
| Simmertiid | UTC +2 |
| Webside | Webstee gemeente Genua |
De ferneamdste Genuees wie sûnder mis de ûntdekkingsreizger Kristoffel Kolumbus.
Skiednis
Genua wie yn de Romeinske tiid in wichtige floatbasis. Nei de fal fan it West-Romeinske ryk hie it te krijen mei ferskate oerhearskers (û.o. Eastgoaten, Byzantinen en sûnt 774 mei it Frankyske ryk. Yn de 11e iuw kaam oan dizze situaasje in ein doe't keaplju en boargerij fan Genua in stêdsrepublyk meitsje soe. Genua berikte doe mei oare Italjaanske stêden as Feneetsje, Pisa en Amalfy) in protte macht en rykdom. De stêd hie it foar it sizzen oer Liguerje, it suden fan Piëmont en ferskate gebieten oersee, wêrûnder Korsika, Elba en parten fan Sardynje, mar ek yn de Levant, oan de Swarte See, op Syprus en yn Noard-Afrika.
Tusken 1257 en 1381 fjochte Genua ferskate oarloggen út mei Feneetsje. De opkomst fan it Turkske Ryk yn de 15e iuw makke lykwols in ein oan harren macht. Ferfolgens kaam Genua yn Frânske hannen en yn 1463 oan de stêd Milaan ûnderhearrich. Under Andrea Doria, dy't help krige fan Karel V, waard de stêd wer ûnôfhinklik. Troch Bonaparte waard it yn 1797 ferovere en omfoarme ta de Ligueryske Republyk. Yn 1804 waard de Republyk Genua wersteld mar it Wener Kongres foege Genua by it keninkryk Sardynje, wêrmei it yn 1860 opgie yn it nije keninkryk Itaalje.
Nijsgjirrichheden
Keppeling om utens
This article uses material from the Wikipedia Frysk article Genua (stêd), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.