Genui

Se om Genujan provincijan da Ligurii-agjan pälidn, Italijan kaikiš järedamb meriport.

Genui
Genova (ital.)
Zena (ligur.)
Genua / Ianua (latin.)

Flag
Valdkund	Italii
Eläjiden lugu (2018)	580,097 ristitud
Pind	240,29 km²
Pämez'	Marko Bučči (kezaku 2017—)
Telefonkod	+39−010
Aigvö	tal'vel UTC+1, kezal UTC+2

Eländpunktan aluz om pandud 6.-5. voz'sadal edel meiden erad. Lähevenui laht kävutihe edel sidä jo pit'kan aigan.

11. voz'sadaspäi 1797. vodhesai Genui oli Genujan Tazovaldkundan pälidnaks. Vhesai 1380 äjad Keskmeren i Mustmeren portad da territorijad oliba necen tazovaldkundan ohjastusen al.

Lugedas Genujad Hristofor Kolumban kodilidnaks.

Lidn sijadase Italijan lodehes. Se vedase 30 kilometrad pidust' Ligurižen meren randištod, om röunatud Apenninil pohjoižespäi, seižub 20 metrad ü.m.t. keskmäižel korktusel.

Genujan kommun jagase 9 administrativižhe ümbrikho (ital. municipi).

Vn 2011 EÜ:n rahvahanlugemižen mödhe lidnan eläjiden lugu oli 608 493 ristitud. Kaikiš suremb ristitišt oli 816 872 eläjad vl 1971. Läz 1,5 mln ristituid elädas lidnan aglomeracijas (2011).

Avtobusad, trolleibusad, funikulörad da liftad oma kundaližeks transportaks lidnas. Genui om järed raudtesol'm, 2 päraudtestancijad i 5 čuradust. Kebn metro radab lidnas vspäi 1990 (1 jono, 7,1 km, vspäi 2012 om 8 stancijad).

Hristofor Kolumban nimel nimitadud civiline rahvahidenkeskeine lendimport (GOA) sijadase 10 km päivlaskmpolehe lidnan keskusespäi. Sišpäi tehtas reisid Evropan maihe da Italijadme.

 

• Genujan kommunan ohjastusen oficialine portal (comune.genova.it). (ital.)