Distrikt
In distrikt, fan it Latynske districtus (fan distringere, útinoar lûke), fia it Aldfrânske district, is in ûnbeskaat soarte fan ûnderferdieling fan in geografysk gebiet.
Hoewol't distrikten oer it algemien net ûnbidige grut binne, en sadwaande meastal lytser as in regio of provinsje, komt it ek foar dat distrikten grutter binne en mear as ien provinsje bestrike. Meastal, lykwols beslane se earder ien of mear gemeenten. Foarbylden fan distrikten binne kiesdistrikten, postale distrikten en skoaldistrikten. Guon lannen hawwe in bestjoerslaach dy't út gebieten bestiet dy't wier oantsjut wurde as distrikten, lykas Afganistan, Banglades en Hongarije. Yn Dútslân soene de Kreisen oerset wurde kinne as distrikten. Yn Belgje binne gruttere stêden, lykas Antwerpen, opdield yn bestjoerlike distrikten, dy't yn Nederlân dielgemeenten neamd wurde soene. Ek komt it foar dat lannen ien federaal distrikt hawwe, dêr't de federale haadstêd yn leit, en dat net ta ien fan 'e yn meardere of mindere mjitte autonome dielsteaten heart. Dat is bygelyks sa yn it gefal fan 'e Feriene Steaten (it Distrikt Kolumbia), Austraalje (it Australysk Haadstedsk Territoarium), Meksiko (it Distrito Federal de México) en Brazylje (Distrito Federal).
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Distrikt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.