Bangladesj is in lân yn Súd-Aazje.
| |||||
Offisjele taal | Bangla | ||||
Haadstêd | Dhaka | ||||
Steatsfoarm | Republyk | ||||
Gebiet % wetter | 144.000 km² 7,0% | ||||
Ynwenners (2004) | 141.340.476 | ||||
Munt | Taka (BDT) | ||||
Tiidsône | UTC +6 | ||||
Nasjonale feestdei | 26 maaie | ||||
Lânkoade | BDG | ||||
Ynternet | .bd | ||||
Tillefoan | +880 |
De haadstêd is Dhaka en de presidint fan de republyk is sûnt 12 febrewaris 2009 Zillur Rahman.
Bangladesj wurdt begrinzge troch:
Hiel Bangladesj bestiet út fruchtber leechlân en leit yn it moessongebiet, dêr't in protte rein falle kin. De kuststripe wurdt net beskerme troch diken en hat betiden bot te leien fan oerstreamings mei somtiids rampsillige gefolgen. It súdwesten, oan de Yndiaske grins, makket diel út fan de slykflakte fan Ganges en Bramaputra.
It eardere Bingalen hearde fan 1757 oant 1947 by de Britske koloanje Yndia. Troch opsplitsing as gefolch fan de ûnôfhinklikens fan Yndia kaam West-Bingalen by Yndia en East-Bingalen by Pakistan. Nei in grutte opstân, dy't folge op de grutte oerstreaming fan 1970, skiede East-Bengalen har fan Pakistan ôf en waard yn 1971 in eigen steat ûnder de namme Banglades.
De earste 15 jier waard it selsstannige Bangladesj regeard troch in autoritêr presidinsjeel rezjym. Tusken 1986 en 1991 folge in oantal steatsgrepen efterinoar. Tsjintwurdich hat it lân in demokratysk keazen regearing.
Bangladesj is sawat it tichtst befolke lân fan de wrâld. Yn it begjin fan de 20e iuw telde it gebiet tritich miljoen ynwenners; dat oantal is no ferfiiffâldige. De befolking is frij homogeen gearstald: 98% is etnysk Bengaly. It oare part 2% bestiet út net-Bengaly-moslims en ferskate folken dy't yn de Sittagong-heuvels wenje.
De grutste religy is de islam dêr't 83% fan de befolking ta rekkene wurdt, de oare wichtige godstsjinst is it hindoeïsme mei 16% leauwigen. Ek binne der noch wat lytse groepen, boedisten, kristenen en animisten.
De Bengaly sprekke it Bingaalsk (ek wol Bangla) dat skreaun wurdt yn in skrift dat liket op it Devanagary. It Bengaalsk is ek de offisjele taal fan it lân. Ek Ingelsk wurdt noch hieltyd brûkt, benammen op skoallen en troch de regearing. Fierders sprekt it meastepart fan dejingen dy't net moslim binne it Urdu.
This article uses material from the Wikipedia Frysk article Bangladesj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.