Marmokak, Medusozoa azpifilumeko izaki gelatinotsuen medusa faseari ematen zaion euskarazko ohiko izena da.
Azpifilum hau, Cnidaria filumeko klado handia da. Hau da, nola beldarra den intsektu batzuen bizi-zikloko fase bateko gorputza deskribatzen duena, berdintsu marmoka da medusozooen bizi-zikloaren forma bat.
Marmokek morfologia oso ezberdinak dituzte, baina Medusozoa azpifilumeko marmokek simetria tetrameroa (lauko multiplotan ebakia) aurkezten dute. Gorputza onddo baten itxurakoa izaten dute. Txapelaren ertzean 4-8 garro dituzte. Azpiko aldean hodi bat edukitzen dute eta haren muturrean du ahoa. 1-1,8 m zabaleko diametroa izaten dute.
Marmoka fasean den gorputz batean, gorputzaren %95 ura izaten da.
Marmoken fisiologiaren parte ezagun bat nematozisto organo zistatzaileak dira, Pozoitsuak dira gehienak, eta oso pozoi bizikoak batzuk.
Medusozoa azpifilumeko partaideen ezaugarri bereizgarria, beste knidarioekiko, marmoka edo medusa fasea biltzen duen bizi-ziklo konplexua da. Bizi zikloan fase sexual (marmoka bezala) eta asexualak (polipo bezala) igarotzen dituzte, denbora gehiena fase sexualean bizitzen dutelarik.
This article uses material from the Wikipedia Euskara article Marmoka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.