Rhizostomae
Uwur-uwur | |
---|---|
Chrysaora quinquecirrha | |
Klasifikasi ngèlmiah | |
Karajan: | Animalia |
Filum: | Cnidaria |
Klas: | Scyphozoa Goette, 1887 |
Ordo | |
Stauromedusae Coronatae Semaeostomeae |
Uwur-uwur iku sajinis kéwan sagara saka suku Scyphozoa. Awaké awangun kaya payung mawa rumbai, bisa agawé rasa gatel yèn kasénggol. Uwur-uwur tinemu sepisanan kurang luwih 650 yuta taun kapungkur. Nalika iku, uwur-uwur tinemu ing saben sagara. Saliyané iku, uwur-uwur uga tinemu ing banyu kang tawa. Uwur-uwur duwé istilah liya yaiku Medusa (Plural Medusae). Medusa iku dadi istilah kanggo uwur-uwur kang urip ing Yunani, Finlan, Portugis, Rumania, Ibrani, Serbia, Kroasia, Spanyol, Perancis, Italia, Hungaria, Polen, Ceko, Slowak, Ruslan lan Bulgaria. Uwur-uwur ora kalebu jinis iwak, mulané American Public Aquariumsk wis mènèhi jeneng jeli laut (sea jellies) kanggo uwur-uwur. Lumrahé sakelompok uwur-uwur lumrahé diarani kanthi jeneng bloom utawa swarm. Uwur-uwur ora duwé sistem pernafasan awit kulité kang tipis lan awaké kang wis kaisi oksigèn kanthi sistem difusi. Uwur-uwur ora nduwé utek apadené sistem saraf pusat, nanging uwur-uwur duwé jaringan saraf kang longgar kang manggon ing epidermis kang uga diarani jaring saraf. Awak uwur-uwur ngandhut banyu punjul 90%. Payung uwur-uwur duwé bahan kaya ager-ager utawa jeli. Payung iki diarani mesoglea. Payung iki duwé lapisan sel kang cacahé loro kang manggon ing sandhuwuré payung. Déné pérangan ngisor awaké diarani bel. Uwur-uwur duwé sistem reprodhuksi kang unik yaiku uwur-uwur lanang bakal ngetokaké sperma lan uwur-uwur wadon bakal ngetokaké sel telur, sawisé iku sel telur bakal dibuahi sperma lan bakal urip dadi organisme anyar. Uwur-uwur duwé racun kang bisa nggawe mati. Saben tentakel duwé kurang luwih 500.000 harpun sindasites kang dhapuré kaya dom kang bisa disuntikaké ing mungsuhé.
Uwur-uwur uga tau nganggu salah sijiné pembangkit listrik tenaga nuklir kang ana ing Sekotlan, Inggris. Tumpukan uwur-uwur kang ana ing saubengé PLTN nyumpeli saluran-saluran kang ana ing PLTN.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Uwur-uwur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.