Akain-Belar

Hosto zabalak eta lore txiki gorriak ditu. Oso hazi oliotsua du (% 80). Heste-aringarri gisa erabili izan da olio hori, alegia, errizino-olio ezaguna. Berez Afrikakoa da, baina klima epeleko eta beroko herrialde askotara zabaldu du gizakiak.

Akain-belar
Irudi gehiago
Sailkapen zientifikoa
Erreinua	Plantae
Ordena	Malpighiales
Familia	Euphorbiaceae
Leinua	Acalypheae
Generoa	Ricinus
Espeziea	Ricinus communis L.
Banaketa mapa
Datu orokorrak
Gizakiak ateratzen dizkion produktuak	akain hazi, errizino-olio eta errizina

Akain-belarra izena badu ere zuhaixka bat da. Zurezko enbor eta adarrak itu, barrutik hutsik daudenak. Adarrak, pezioloak eta kasu batzuetan hostoak gorrindol kolorekoak izaten ditu eta sarritan hauts zuri batek estaltzen ditu.

Hostoak ioso handiak dira, palmatuak eta 5-9 lobulu izaten dituzte. Hostoen ertzak horzkatuak daude. Pezioloa luzea izan ohi da.

Loreek infloreszentzia handiak osatzen dituzte. Lore arrak infloreszentzien azpialdean kokatzen diraa eta lore emeak infloreszentzien gainaldean. Ia urte guztian izaten du loraldia.

Fruitua globularra da eta arantzaz estalirik dago. Hiru atal ageri ditu eta bakoitzak hazi bat gordetzen du. Errizina izeneko toxina bat du, albumina motako proteina da. Fruitua lehortzen denean palanka baten bidez hazia hamar metrotara jaurtitzen du. Horrela lortzen du landareak hedatzea.

Klima epel edo beroa atsegin du, izozterik izango ez duena. Aintzinatik erabili izan denez mundu guztian hedaturik dago. Dirudienez Etiopian du jatorria.

Kanarietan adibidez espezie inbaditzailea da. Azkar hedatzen ari da eta bertako espezie endemikoak mehatxatuta daude.

Haziak oso toxikoak dira errizina izeneko albumina ugari dutelako. Hazi gutxi batzuk murtxikatuz gero gastroentgeritis latza sor daiteke. Deshidratazio horrek gibela eta giltzurrunak kaltetu ditzake eta kasu larrienetan heriotza eragin ere bai. Ezagutzen den toxina biologiko indartsuenetako bat da.

Haziak zukutuz eta ondoren errizina suntsitzeko berotuz errizino-olioa ateratzen da. Duen azido rizinoleikoagatik libragarri ezagunenetakoa da. Oso zapore txarra du hala ere.

Errizino-olioak baditu margo eta bernizen industrian ere erabilerarik, bai eta lubrikatzaile eta balazta likidoen ekoizpenean ere.

Lorategietan ere erabiltzen da landare polita delako.