Deia Euskal Herriko egunkari bat da, nagusiki gaztelania erabiltzen duena, artikuluren bat euskaraz tartekatuta.
Lehen alea 1977ko ekainaren 8an argitaratu zen Ignacio Iriarte Areso zuzendari zuelarik. Sustatzaile eta sortzaileen artean Mitxel Unzueta, Luzio Aginagalde, Luis Maria Retolaza eta Eli Galdos egon ziren. Hasierako aurrekontua 40 milioi pezetakoa (240.000 euro inguru) izan zen eta 25 bazkideren artean bildu zen. Hilabete batzuk geroago, 600 bazkide inguru izatera iritsi ziren.
Deia | |
---|---|
Mota | Egunkaria |
Fitxa teknikoa | |
Lehen zenbakia | 1977 |
Hizkuntza | gaztelania (oso gutxitan euskara) |
Argitaratze lekua | Bilbo |
Argitaletxea | Iparragirre |
Banaketa | |
Ekoizpen osoa | 94.000 (2019) |
Banatze-eremua | Bizkaia |
Maiztasuna | egunero |
Salneurria | Paperean (2019): Astelehenetik Ostiralera: 1,50€ Larunbata: 1,70€ Igandea: 2,50€ |
Historia | |
Ideologia | Abertzaletasuna |
Sortzailea | Mitxel Unzueta |
Zuzendaria | Juan José Baños |
www.deia.com Instagram:https: //www.instagram.com/deia_eus/ Twitter:https: //twitter.com/deia_eus?lang=es Facebook: https://es-es.facebook.com/deia.bizkaia/ |
Editorial Iparragirre da egunkariaren enpresa argitaratzailea, eta Arabako, Bizkaiko eta Gipuzkoako edizioak zituen lehen aroan. 2008tik, Deia egunkaria Noticias Taldeko Bizkaiko egunkaria da.
2006ko udan bere betiko Boluetako egoitza utzi eta Bilboko Nazioarteko Erakustazokako Bami eraikinera aldatu zen.
Deia-ren paperezko alearen prezioa desberdina da astean zehar eta asteburuko egunetan. Astelehenetik ostiralera 1,50€ balio du, larunbatetan 1,70€ eta igandetan 2,50€ (2019). Webguneko edukiak doakoak dira.
Euskal Autonomia Erkidegoan Deia hirugarren postuan kokatzen da hedapen datuak kontuan harturik. Lehenengo postuan El Correo egunkaria dago 112.923 ale egunean argitaraturik, bigarren postuan El Diario Vasco 80.095 ale argitaraturik eta Deiak 19.791 ale argitaraturik egunean hirugarren postua dauka Oficina de Justificación de la Difusión erakundeak 2019an ateratako datuen arabera.
Deia egunkaria Editorial Iparraguirree SA enpresak argitaratzen du. Editorial Iparragirre enpresa Noticias Taldearen barruan dago, 2008tik. Zeroa Multimedia SA da Noticias Taldearen enpresa nagusia. Editorial Iparraguirre S.A.-ren eta Zeroa Multimedia S.A.-ren arduradun nagusi eta Noticias Taldeko presidentea Jon Iñaki Alzaga Etxeita da (2019).
Noticias Taldearen barruan daude Diario de Noticias de Navarra, Noticias de Gipuzkoa eta Diario de Noticias de Álava egunkariak eta Onda Vasca irratia ere.
Noticias Taldea | ||
---|---|---|
Egunkariak: | Deia | Diario de Noticias | Noticias de Gipuzkoa | Noticias de Álava | |
Irratiak: | Onda Vasca Irratia | Herri Irratia | |
Bestelakoak: | Hamaika Telebista |
This article uses material from the Wikipedia Euskara article Deia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.