Urbo Kalcedono: Antikva urbo en Anatolio (hodiaŭ en Turkio)
Kalcedono aŭ Kalcedonio (antikve-greke Χᾰλκηδών, Ĥalkēdōn ; fenice 𐤒𐤓𐤕𐤇𐤃𐤔𐤕 Qrt-ḥdšt; latine Chalcēdōn ) estis greka urbo de Bitinio (nune en Turkio), situa en la orienta enirejo de la Ponto Eŭksino, antaŭ Bizanca Imperio kaj sude de Krizopolo (Skutaro, la nuna Üsküdar).
 | Ĉi tiu artikolo temas pri iama urbo ĉe Bosporo. Por mineralo rigardu la paĝon Kalcedono. |
| Kalcedono | ||
|---|---|---|
 | ||
| antikva urbo • poliso [+] | ||
| Koordinatoj | , 29° 2′ 0″ O 40.98333333333329.03333333333340° 59′ 0″ N, 29° 2′ 0″ O | |
| Estiĝo | -680 | |
| ||
| Kalcedono | ||
 Vikimedia Komunejo: Chalcedon [+] | ||
Historio
Grekio kaj Persio
La urbo Kalcedono estis fondita en 685 a.K. kiel kolonio de Megara. En la 6-a jarcento a.K., la urbon konkeris la Aĥemenida Imperio.
Post la dekadenco de la Aĥemenida Imperio, la urbo kuŝis inter la influsferoj de Sparto kaj Ateno. La urbo estiĝis parto de la regno Bitinio.
Romio
La lasta reĝo de Bitinio, Nikomedo la 4-a, fordonis sian regnon al Romio en 74 a.K. Tiu ago kaŭzis la Trian Mitridatan Militon inter Romio kaj Ponto; la Ponta reĝo, Mitridato la 6-a de Ponto, parte detruis la urbon dum la Batalo de Kalcedono (74 a.K.). Malgraŭ ke Mitridato gajnis la batalon, li tamen malgajnis la militon; poste, Ponto kaj Bitinio fariĝis Romiaj provincoj.
Dum Romia regado, Kalcedono estis rekonstruita, kaj akiris la statuson de libera urbo.
Post la kristaniĝo de Romio, la grava Koncilio de Kalcedono okazis en Kalcedono en la jaro 451. En tiu urbo okazis la unua disiĝo de naciaj kristanaj komunumoj. Ankaŭ ĉi tie estis aprobata la Kalcedona difino.
Post Romio
Post la disfalo de la Okcidenta Romia Imperio, la urbo restis kiel parto de la Orienta Romia Imperio, alinome la Bizanca Imperio, ĝis la 14-a jarcento; Orhano la sultano de la Otomana Imperio konkeris ĝin en la 14-a jarcento. (La Bizanca Imperio mem disfalis post la Sieĝo de Konstantinopolo en 1453.)
Hodiaŭ, en Turkio, la urbo Kadıköy troviĝas en la origina setlejo de Kalcedono, en la plilongigo de Üsküdar.
Gravuloj
Referencoj
This article uses material from the Wikipedia Esperanto article Kalcedono (urbo), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.