Aceite

Ye sinónimu d'oleu, del llatín "oleum", pero esti términu emplégase namái pa los ritos relixosos, de la Ilesia Católica y nel arte de la pintura, (entemez de sustancies colorantes).

Aceite
Nome	Aceite
Detalles
Más información
[editar datos en Wikidata]

Los aceites comestibles remanecen tanto del reinu animal como del vexetal.

Hai dellos aceites animales como los de xibarte, de foca (Phoca vitulina) o de fégadu d'abadexu (Gadus morhua), que consumíense antiguamente. Anguaño namái usense aceites vexetales, sacaos de semientes, frutes o raiceres.

Polo xeneral los aceites vexetales aporten ácidos grasos insaturaos y son ricos en vitamina E. El so valor enerxéticu ye de 900 kcal cada 100 g.

L'aceite más antiguu probablemente seya'l d'axonxolí. Sábese que lu usaben los exipcianos. Los griegos usaron aceite d'oliva, y n'Atenes la olivar yera considerada un árbol sagráu y foi símbolu de la vida de la ciudá. Na antigüedá l'aceite sirvía pa l'alimentación, pal allumáu y pa usos relixosos.

Los aceites combustibles son una variedá d'entemezos líquidos de color amarelláu al pardu, provenientes del petroleu crudu, o de sustancies vexetales (biodiésel/biocombustibles). Delles sustancies químiques que s'afayen nellos pueden vaporiase fácilmente, en tanto qu'otres pueden dilise más fácilmente n'agua.