Ysgol Gyfun Gŵyr
Ysgol uwchradd cyfrwng Cymraeg yn Nhre-gŵyr, sir Abertawe, De Cymru, yw Ysgol Gyfun Gŵyr.
| Ysgol Gyfun Gŵyr | |
|---|---|
 | |
| Arwyddair | Gorau byw, cyd-fyw |
| Sefydlwyd | 1984 |
| Math | Cyfun, y Wladwriaeth |
| Cyfrwng iaith | Dwyieithog, Cymraeg a Saesneg |
| Pennaeth | Mr Dafydd Jenkins |
| Cadeirydd | Miss Aldyth Williams |
| Lleoliad | Stryd Talbot, Abertawe, Sir Abertawe, Cymru, SA4 3DB |
| AALl | Cyngor Dinas Abertawe |
| Disgyblion | 924 |
| Rhyw | Cyd-addysgol |
| Oedrannau | 11–18 |
| Llysoedd | Branwen, Caradog, Dylan, Gwenllian, Llŷr, Nudd, Olwen, Peredur. |
| Gwefan | www.yggwyr.org.uk/ |
Hanes
Agorwyd yr ysgol ym mis Medi 1984. Cyn hynny, bu'n rhaid i blant Abertawe deithio i Ysgol Gyfun Ystalyfera er mwyn derbyn eu haddysg drwy gyfrwng y Gymraeg.
Y Pennaeth cyntaf oedd Mr. Vivian Thomas, ac fe'i olynwyd gan Dr T. Neville Daniel. Ar ymddeoliad Dr. Daniel yn 2002, penodwyd Mrs. Katherine J. Davies yn Bennaeth ar yr ysgol. Yn dilyn secondiad o ddwy flynedd iddi i Lywodraeth Cymru, penodwyd Mr Dafydd Jenkins yn Bennaeth Gweithredol ar yr Ysgol. Gwnaed y penodiad hwn yn barhaol ym mis Ebrill 2019.
Bellach y mae'n un o ddwy ysgol uwchradd cyfrwng Cymraeg yn Ninas a Sir Abertawe. Sefydlwyd ei chwaer ysgol, sef Ysgol Gyfun Gymraeg Bryn Tawe, yn 2003 er mwyn ymateb i'r cynnydd aruthrol a fu yn y sector cyfrwng Gymraeg. Yr ysgolion cynradd sy'n bwydo Ysgol Gyfun Gŵyr yw Ysgol Gymraeg Bryniago, Ysgol Gymraeg Pontybrenin, Ysgol y Login Fach, Ysgol Gynradd Gymraeg Llwynderw, ac Ysgol Gynradd Bryn-y-mor.
Ym mis Mawrth 2009, cyhoeddodd Cynulliad Cenedlaethol Cymru y bydd gan yr ysgol Ganolfan Addysgu Arbenigol er mwyn diwallu anghenion arbennig disgyblion rhwng 11 a 18 oed. Agorwyd hon ym mis Medi 2009.
Ym mis Mai 2011, cyhoeddodd Llywodraeth y Cynulliad data a ddangosai sut y gwnaeth disgyblion yr ysgol yn eu arholiadau TGAU o'u gymharu â'r targedau a osodwyd i'r disgyblion pan oeddent yn 11 oed. Daeth yr ysgol yn ail yng Nghymru gyda gwerth atodol o 17.48.
Canlyniadau Arolwg Estyn 2011
Yn Adroddiad Arolygaeth Estyn ym mis Ionawr 2011, dywedwyd bod yr ysgol yn "rhagorol" gyda disgyblion yng Nghyfnod Allweddol 3 a 4 yn cyflawni'n eithriadol.
Cyn-ddisgyblion nodedig
- Gwyn Jones - cyn chwaraewr rygbi
- John Hartson - cyn bêl-droediwr
- Elin Manahan Thomas - cantores glasurol
- Ceri Phillips - actor a digrifwr
- Emily Tucker - actores
- Rhys Bidder - actor
- Lowri Morgan - cyflwynydd teledu
- Rhodri Owen - cyflwynydd teledu a radio
- Georgia Davies - nofwraig
- David Cornell - pêl-droediwr
- Hannah Stone - telynores
- Dan Thomas - comedïwr
- Jac Davies - Aelod Yr Angen
- Jamie Price - Aelod Yr Angen
- Gareth Jones - Aelod Yr Angen
- Dai Williams - Aelod Yr Angen
Cyfeiriadau
Cyfeiriadau
This article uses material from the Wikipedia Cymraeg article Ysgol Gyfun Gŵyr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.