Perfformiwr Daniel Lloyd: Actor, canwr a chyfarwyddwr Cymreig o Rosllannerchrugog. Prif leisydd Daniel Lloyd a Mr Pinc

Magwyd Daniel yn Rhosllannerchrugog ger Wrecsam a'i hyfforddi yn Ysgol Ddrama East 15. Mae bellach yn byw yn Llandyrnog, Sir Ddinbych, gyda'i wraig Elen, sy'n therapydd lleferydd Cyhoeddodd iddo ddyweddio ag Elen yn ystod gwyliau i Rufain ar 7 Chwefror 2010. Cyhoeddodd mewn cyfweliad â Lisa Gwilym ar ei rhaglen ar BBC Radio Cymru ar 23 Chwefror 2011 ei fod ef ac Elen wedi priodi. Mae ganddynt ddau blentyn.

Teledu a ffilm

• Brassic ar gyfer SKY
• Rownd a Rownd, opera sebon i bobl ifanc, fel y cymeriad Aled
• Dau Dŷ a Ni, Mici yn Tipyn o Stad; Dafydd Meirion yn A470

Llwyfan

• The Commitments gan Roddy Doyle yn The Palace Theatre yn y West End. Chwarae'r brif ran, Deco, ar sawl achlysur a chwarae pum rôl i gyd
• Tom - The Tom Jones Musical - rhan Mickey Gee
• As You Like It yn Llwydlo a chastell Staford
• Some Like It Hotter - taith Brydeinig
• Mods and Rox (The New Wolsey Theatre)
• Deffro’r Gwanwyn/Spring Awakening
• New Musical (Theatr Genedlaethol Cymru/Elen Bowman)

Bu'n chwarae sawl rhan gyda Clwyd Theatr Cymru: Little Shop of Horrors, The Hub, The Taming Of The Shrew, Animal Farm, Yesterday, The Suicide, Tales From Small Nations, A Midsummer Night’s Dream a 15 rôl mewn pantos roc a rôl olynol yn cynnwys Sleeping Beauty, Aladdin, Robin Hood & The Babes in The Wood, Cinderella, Jack and the Beanstalk, Beauty & The Beast. Bu iddo hefyd ymddangos fel Blondel/Will Scarlet in Robin Hood and the Babes in the Wood.

Cyfarwyddo

Mae Daniel Lloyd hefyd wedi cyfarwyddo cynhyrchiadau gan cynnwys: The White Feather, Arandora Star, The Butterfly Hunter, Far From The Madding Crowd, Toxic Whispers a Cloudbusting, It’ll All Be Over By Christmas a dau pantomeim llawn sêr Shane Williams ar gyfer S4C.

Mae hefyd yn brif ganwr y band Daniel Lloyd a Mr Pinc sydd wedi rhyddhau sawl record ac wedi teithio’n helaeth dros yr 20 mlynedd diwethaf. Mae gyrfa gerddoriaeth Daniel wedi ei weld yn rhyddhau dau albwm, Goleuadau Llundain (2005) gyda Mr Pinc, a gyrhaeddodd rif 4 yn Siart Cerddoriaeth Gymraeg Radio Cymru, a Tro Ar Fyd (2009) fel artist unigol, a gyrhaeddodd rif 3 yn yr un rhestr.

Mae Dan yn gitarydd/canwr-gyfansoddwr/aml-offerynnwr proffesiynol ac wedi cael llwyddiant gyda'i albwm stiwdio unigol cyntaf Tro Ar Fyd. Mae'n ymddangos yn rheolaidd ar deledu a radio gan cynnwys: Wedi 3, Ar Gamera, Yr Ystafell Fyw, Trac, Gofod, Bro, Gŵyl Y Faenol, Pws, Wedi 7, Noson Lawen, Nodyn, Uned 5, Bandit, Heno. Gwnaeth hefyd ail-weithio anthem bêl-droed adnabyddus C.P.D. Wrecsam o'r 1980au, "I mewn i’r Gol!".

• Bywgraffiad
• Daniel Lloyd ar Myspace