Thomas Alva Edison (lahia 11 Februari 1847 – maningga 18 Oktober 1931 pado umua 84 taun) adolah panamu jo pangusaha nan mangambangan banyak paralatan penting.
Si Panyihir Menlo Park iko marupoan salah saurang panamu partamo nan menarapan prinsip produksi massal pado proses panamuan.
Thomas Edison | |
---|---|
"Jenius adolah satu persen inspirasi, sambilan puluah sambilan persen perspirasi." – Thomas Alva Edison, Harper's Monthly (September 1932) | |
Lahia | Thomas Alva Edison 11 Februari 1847 Milan, Ohio, A.S. |
Maningga | 18 Oktober 1931 (umua 84) West Orange, New Jersey, A.S. |
Kabangsaan | Amerika Serikat |
Pandidikan | Kalua dari sakolah |
Karojo | Panamu, pabisnis |
Pasangan | Mary Stilwell (m. 1871–1884) |
Anak | Marion Estelle Edison (1873–1965) Thomas Alva Edison Jr. (1876–1935) William Leslie Edison (1878–1937) Madeleine Edison (1888–1979) Charles Edison (1890–1969) Theodore Miller Edison (1898–1992) |
Urang tuo | Samuel Ogden Edison, Jr. (1804–1896) Nancy Matthews Elliott (1810–1871) |
Dusanak | Lewis Miller (mertua) |
Signature | |
Inyo lahia di Milan, Ohio, Amerika Sarikat pado tanggal 11 Februari 1847. Pado maso keteknyo di Amerika Sarikat, Edison salalu mandapek nilai buruak di sakolahnyo. Oleh karano itu ibunyo membarantiannyo dari sakolah jo maaja surang di rumah. Di rumah jo leluasa Edison ketek dapek mambaco buku-buku ilmiah dewasa jo mulai maadoan babagai pacuboan ilmiah surang. Pado umua 12 taun inyo mulai bakarajo sabagai panjua koran, buah-buahan jo gulo-gulo di kareta api. Kamudian inyo manjadi operator telegraf, inyo pindah dari satu kota ka kota lain. Di New York inyo dimintak untuak manjadi kapalo masin telegraf nan penting. Masin-masin itu mangirimaan barito bisnis ka saluruah parusahaan takamuko di New York.
Pado taun 1870, inyo manamuan masin telegraf nan labiah baiak. Masin-masinnyo dapek mancetak pasan-pasan di ateh pita karateh nan panjang. Pitih nan dihasilan dari panamuannyo itu cukuik untuak managakan parusahaan surang. Pado taun 1874 inyo pindah ka Menlo Park, New Jersey. Disinan inyo mambuek sabuah bengke ilmiah nan gadang jo nan partamo di dunia. Satalah itu inyo banyak mangarajoan panamuan-panamuan nan penting. Pado taun 1877 inyo manamuan fonograf. Dalam taun 1879 inyo barasia manamuan lampu listrik keamdian inyo juo manamuan proyektor untuak film-film ketek. Taun 1882 inyo mamasang lampu-lampu listrik di jalan-jalan jo rumah-rumah sajauah satu kilometer di kota New York. Hal iko adolah partamo kalinyo di dunia lampu listrik di pakai di jalan-jalan. Pado taun 1890, inyo managakan parusahaan General Electric.
Edison dipandang sabagai salah saurang pancipta paliang produktif pado masonyo, mamacik rekor 1.093 paten ateh namonyo. Inyo juo banyak mambantu dalam bidang patahanan pamarintahan Amerika Sarikat. Babarapo panelitiannyo antaro lain: mandeteksi pasawat tabang, manghancuan periskop jo sanjato masin, mandeteksi kapa selam, mambarantian torpedo jo jariang, manaiakan kakuatan torpedo, kapa kamuflase, jo masih banyak lai.
Inyo maningga pado usianyo nan ka-84, pado ari ulang taun panamuannyo nan takenal, bola lampu modern.
Pado taun 1928 inyo manarimo pangharagoan barupo sabuah madali kusuih dari Kongres Amerika Sarikat.
Wikiquote punyo koleksi kutipan nan berkaitan jo: |
Wiki Commons mampunyoi media nan bahubuangan jo Thomas Alva Edison |
Pangharagoan dan prestasi | ||
---|---|---|
Didaului jo: Lev Trotski | Sampul majalah Time | Digantian dek: Richard Swann Lull |
This article uses material from the Wikipedia Minangkabau article Thomas Alva Edison, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.