Nairobi
Nairobi eo kêr-benn Republik Kenya.
Emañ e-kreiz ar vro, e 1 661 m uhelder a-us live ar mor. Kêr vrasañ Kenya eo, gant 2 940 911 a annezidi e 2007, hag unan eus kêrioù brasañ Afrika. Dont a ra an anv "Nairobi" eus ar masaieg Ewaso Nyirobi, a dalvez "dourioù fresk", anv ur stêr eno. Ar saozneg hag ar swahileg eo an div yezh komzet ar muiañ e kêr.
Savet e voe kêr gant Saozon e 1899, evel un arsav war al linenn hent-houarn etre Mombasa, war an aod, ha Kampala, war ribl al lenn Victoria. E 1905 e voe lakaet da gêr-benn Afrika Vreizhveuriat ar Reter (anvet Kenya goude 1920). Pa zeuas Kenya da vezañ ur stad dizalc’h e 1963, e voe lakaet da gêr-benn ar vro.
Liammoù diavaez
- (en) www.nairobicity.org
This article uses material from the Wikipedia Brezhoneg article Nairobi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.