Mombasa

War aod Meurvor Indez emañ, e Su ar vro, hag ur greizenn douristel a-bouez eo. Porzh pennañ Kenya eo ivez. War un enezenn (enez Mombasa) emañ ar gêr gozh, hag en em astenn a ra ar gêr nevez war an douar-bras.

Gant kenwerzhourien arab e vije bet savet kêr en VIII^vet kantved ha dont a ra hec’h anv eus an arabeg Manbasa. E swahileg eo anvet Kisiwa Cha Mvita (pe, berroc’h, Mvita, a zo anv ar gêr gozh c'hoazh), a dalvez "enez ar brezel", abalamour m’eo bet preizhet alies gant alouberien estren e-hed an istor.

War-dro 900 000 annezad a vije o chom enni e 2006, 939 370 e 2009, ha kresket eo da 1 208 333 a annezidi hervez niveradeg diwezhañ 2019. 3 528 940 a dud zo o chom e rannvro ar veurgêr.

Mombasa zo gevellet gant :

•   Suafrika : Durban (2012)
•   Sina : Guangzhou (2018)
•   Stadoù-Unanet : Honolulu (Hawaii) (2008)
•   Stadoù-Unanet : Long Beach (Kalifornia) (2007)
•   Stadoù-Unanet : Seattle (stad Washington) (1981)

E-pad he istor eo bet gweladennet Mombasa gant ergerzherien war vor niverus evel an Arabed Al-Idrisi (1151) hag Ibn Battuta (1330) pe ar Bortugaliz Vasco da Gama (1498), Pedro Álvares Cabral (1500) João da Nova (1505) hag Afonso de Albuquerque (1507).

Tud all zo bet e Mombasa, mennegomp :

• Karen Blixen (1885-1962), romantourez danat.