Грэйпфрут (Citrus paradisi) — субтрапічнае вечназялёнае дрэва роду цытрус сямейства рутавых (Rutaceae), а таксама яго плод, які дасягае ў дыяметры 10-15 см.
Першым грэйпфрут апісаў батанік-святар Грыфітс Х'юджас ў 1750-м годзе. Ён назваў садавіну «забароненым плодам», пазней грэйпфрут пачалі называць «маленькім шэдакам» з-за яго падабенства з памела, якое тады называлі шэдакам (ад прозвішча англійскага капітана Шэдака, які прывёз яго ў XVII стагоддзі на востраў Барбадас), а ў 1814-м годзе на Ямайцы гандляры перайменавалі плод у грэйпфрут. Пасля 1880 пачаўся хуткі рост прамысловай вытворчасці гэтай культуры ў ЗША, затым у краінах Карыбскага басейна, Бразіліі, Ізраілі і Паўднёва-Афрыканскай Рэспубліцы), а ў XX стагоддзі грэйпфрут заняў вядучае месца на сусветным фруктовым рынку.
Плады грэйпфрута чырвонага (Citrus paradisi)
Вонкава грэйпфрут падобны да апельсіна, але мякаць яго кіслейшая, з прысмакам горычы. Грэйпфрут з'яўляецца, як мяркуецца, вынікам прыроднай гібрыдызацыі апельсіна (Citrus sinensis) і памела (Citrus maxima). Пры гэтым ён значна бліжэй да другога, чым да першага. Пасля на яго аснове былі створаны танжэла (гібрыд Citrus paradisi x Citrus reticulata, 1905) і мінеола (разнавіднасць танжэла, вытворнае мандарына гатунку Dancy і грэйпфрута гатунку Duncan, 1931).
Зноскі
Літаратура
Беларуская энцыклапедыя: У 18 т. Т.5: Гальцы - Дагон / Рэдкал.: Г.П.Пашкоў і інш. - Мн.: БелЭн, 1997. - 576 с.: іл.
This article uses material from the Wikipedia Беларуская article Грэйпфрут, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.
_white_bg.jpg)