Тоні Кроос: нямецкі футбаліст
То́ні Кро́ос (па-нямецку: Toni Kroos; нарадзіўся 4 студзеня 1990 году, Грайфсвальд, НДР) — нямецкі футбаліст, які выступае за гішпанскі клюб «Рэал» і нацыянальную зборную Нямеччыны на пазыцыі паўабаронцы.
Чэмпіён сьвету 2014 году.
| Тоні Кроос | ||
_(cropped)_2.jpg) | ||
| Пэрсанальная інфармацыя | ||
|---|---|---|
| Нарадзіўся | 4 студзеня 1990 (34 гады) | |
| Рост | 182 см | |
| Вага | 78 кг | |
| Пазыцыя | паўабаронца | |
| Клюбная інфармацыя | ||
| Клюб | Рэал Мадрыд | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2007—2014 2009—2010 2014— | Баварыя → Баер (арэнда) Рэал Мадрыд | 130 (13) 43 (10) 300 (22) |
| Зборныя | ||
| 2010— | Нямеччына | 106 (17) |
| ¹ Колькасьць гульняў і галоў за прафэсійны клюб лічыцца толькі | ||
Кар’ера
Клюбная
Тоні зьяўляецца выхаванцам юнацкіх камандаў «Грайфсвальдэру», «Ганзы» й «Баварыі». У дарослым футболе дэбютаваў у 2007 годзе за каманду клюбу «Баварыя», у якой правёў два сэзоны, прыняўшы ўдзел у 19 матчах чэмпіянату. Паралельна выступаў за другую каманду «Баварыі», якая спаборнічала ў рэгіянальнай лізе, а пасьля — у трэцяй бундэсьлізе.
У лютым 2009 году на ўмовах арэнды перайшоў у стан левэркузэнскага «Баеру», у камандзе якога адразу ж атрымаў сталае месца ў стартавым складзе. У 2010 годзе вярнуўся ў «Баварыю».
16 жніўня 2010 году ён выйшаў у стартавым складзе ў матчы першага раўнду кубка Нямеччыны супраць клюбу «ТСФ Германія Віндэк», забіўшы трэці гол у пераможным матчы (4:0). 29 кастрычніка Тоні забіў першы гол за «Баварыю» ў Бундэсьлізе, адзначыўшыся ў пераможным зь лікам 4:1 матчы супраць «Фрайбургу». Падчас сэзону 2010—2011 гадоў Кроос быў сталым гульцом асноўнага складу ва ўсіх турнірах, у якіх браў удзел клюб.
Падчас сэзону 2011—2012 гадоў Тоні выступаў пад кіраўніцтвам Юпа Гайнкеса, ягоным былым трэнэрам у Левэркузэне. Кроос разам са сваім партнэрам Бастыянам Швайнштайгерам утварыў моцную лінію цэнтральнай часткі паўабароны. Ён адгуляў 51 матчаў ва ўсіх спаборніцтвах на працягу сэзону, у тым ліку ўзяў удзел у фінале Лігі чэмпіёнаў, дзе «Баварыя» была зьбіта па пэнальці лёнданскім «Чэлсі» на Альянц-Арэне.
У сэзоне 2012—2013 гадоў Кроос як і ў апошнія гады быў важным чальцом камады, разам зь якой атрымаў перамогу адразу ў трох турнірах. У першым чатырох матчах Бундэсьлігі Тоні тройчы адзначыўся. Таксама, гулец забіў свой першы гол у Лізе чэмпіёнаў у першым матчы групавога этапу ў матчы супраць «Валенсіі». Атрымаўшы траўму ў першым матчы чвэрцьфіналу Лігі чэмпіёнаў супраць «Ювэнтусу», Кроос прапусьціў астатнія матчы туріінру, у тым ліку пераможны фінал, а таксама апошнія сем матчаў Бундэсьлігі сезону.
Да пачатку сэзону 2013—2014 гадоў Кроос вярнуўся ў былую форму. 4 кастрычніка 2013 году ён забіў свой першы гол у сэзоне ў нічыйным матчы зь лікам 1:1 супраць свайго былога клюбу «Баеру». 21 сьнежня 2013 году ён узяў удзел у фінальным матчы клюбнага чэмпіянату сьвету супраць «Раджы» (2:0). 19 лютага 2014 году Кроос забіў свой другі гол у сэзоне ў пераможным матчы 2:0 Лігі чэмпіёнаў супраць «Арсэналу».
17 ліпеня 2014 году мадрыдзкі «Рэал» абвесьціў пра пераход нямецкага паўабаронцы ў гішпанскі клюб.
Міжнародная
У 2010 годзе дэбютаваў у афіцыйных матчах у складзе нацыянальнай зборнай Нямеччыны.
Стыль гульні
Кроос мае добрае бачаньне поля. Менавіта гэтая ягоная якасьць робіць яго адным з самых пэрспэктыўных маладых плэймэйкераў сьвету. Дакладныя перадачы любой далёкасьці, пошук партнэраў, магутныя ўдары з абедзьвюх ног ягоныя добрыя якасьці. Таксама Кроос ёсьць спэцыялістам па стандартах.
Дасягненьні
«Баварыя»:
- Чэмпіён Нямеччыны: 2008, 2013, 2014
- Уладальнік Кубка Нямеччыны: 2008, 2013, 2014
- Уладальнік Кубка нямецкай лігі: 2007
- Уладальнік Супэркубка Нямеччыны: 2010, 2012
- Пераможца Лігі чэмпіёнаў: 2013
- Уладальнік Супэркубка УЭФА: 2013
- Пераможца клюбнага чэмпіянату сьвету: 2013
«Рэал»:
- Чэмпіён Гішпаніі: 2017, 2020, 2022
- Уладальнік Кубка Гішпаніі: 2023
- Уладальнік Супэркубка Гішпаніі: 2017, 2020, 2022, 2024
- Пераможца Лігі чэмпіёнаў: 2016, 2017, 2018, 2022
- Уладальнік Супэркубка УЭФА: 2014, 2017, 2022
- Пераможца клюбнага чэмпіянату сьвету: 2014, 2016, 2017, 2018, 2022
Нямеччына:
- Чэмпіён сьвету: 2014
- Бронзавы прызэр чэмпіянату сьвету: 2010
Асабістае жыцьцё
Зьяўляецца старэйшым братам было нападніка Фэлікса Крооса.
Крыніцы
Вонкавыя спасылкі
- Афіцыйны сайт
- Профіль (анг.) на Transfermarkt
This article uses material from the Wikipedia Беларуская (тарашкевіца) article Тоні Кроос, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.