Леанід Мальцаў

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мальцаў.

29 жніўня 1949, в. Вяценеўка, Слонімскі раён) — беларускі вайсковец, генэрал-палкоўнік, старшыня Дзяржаўнага пагранічнага камітэту Рэспублікі Беларусь (2013—2016). Кандыдат сацыялягічных навук, доктар палітычных навук (2004).

Леанід Сямёнавіч Мальцаў
Старшыня Дзяржаўнага пагранічнага камітэту
2 лістапада 2013 — 27 сьнежня 2016
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Аляксандар Боечка
Наступнік:	Анатоль Лапо
Дзяржаўны сакратар Рады бясьпекі
4 сьнежня 2009 — 2 лістапада 2013
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Юры Жадобін
Міністар абароны Рэспублікі Беларусь
24 верасьня 2001 — 4 сьнежня 2009
Прэзыдэнт:	Аляксандар Лукашэнка
Прэм’ер-міністар:	Генадзь Навіцкі, Сяргей Сідорскі
Папярэднік:	Аляксандар Чумакоў
Наступнік:	Юры Жадобін
Міністар абароны Рэспублікі Беларусь
10 кастрычніка 1995 — 1 лістапада 1996
Прэзыдэнт:	Аляксандар Лукашэнка
Папярэднік:	Анатоль Кастэнка
Наступнік:	Аляксандар Чумакоў
Асабістыя зьвесткі
Нарадзіўся:	29 жніўня 1949 (74 гады) в. Вяценеўка, Слонімскі раён
Адукацыя:	Менская сувораўская вайсковая вучэльня Кіеўская вышэйшая агульнавайсковая вучэльня імя Фрунзэ[d] Вайсковая акадэмія імя Фрунзэ[d] Вайсковая акадэмія Генэральнага штаба Ўзброеных сілаў Расейскай фэдэрацыі[d] Адэская вайсковая акадэмія[d]
Узнагароды:
Леанід Сямёнавіч Мальцаў у Вікісховішчы

У 1967 скончыў Менскую сувораўскую вайсковую вучэльню. Пасьля ў 1971 скончыў з адзнакай і залатым мэдалём Кіеўскую вышэйшую агульнавайсковую камандную вучэльню.

Служыў у Групе савецкіх войскаў у НДР. У 1979 з адзнакай скончыў Вайсковую акадэмію імя М. В. Фрунзэ. Пасланы служыць на Далёкі Ўсход на пасаду намесьніка камандзіра мотастралковага палка, камандзіра мотастралковага палка, начальніка штаба — намесьніка камандзіра мотастралковай дывізіі, камандзіра мотастралковай дывізіі.

У 1992 скончыў з адзнакай Ваенную акадэмію Генэральнага штаба Ўзброеных Сілаў і прызначаны на пасаду першага намесьніка камандуючага агульнавайсковай арміяй Беларускай вайсковай акругі. Далей праходзіў службу ва Ўзброеных Сілах Рэспублікі Беларусь на пасадах камандзіра 28 армейскага корпусу, начальніка Галоўнага штаба, першага намесьніка міністра абароны.

Упершыню міністрам абароны РБ прызначаны 10 кастрычніка 1995, а 1 лістапада 1996 — вызвалены з пасады за «праступак, які дыскрэдытуе вайсковае званьне афіцэра (зьяўленьне ў грамадзкім месцы ў нецьвярозым стане)». «П’янага» Мальцава паказвалі па беларускім тэлебачаньні.

У 1997—2000 першы намесьнік начальніка штабу па каардынацыі ваеннага супрацоўніцтва дзяржаваў — удзельніц СНД (Масква). Пасьля вяртаецца ў Беларусь — са сьнежня 2000 году — намесьнік Дзяржаўнага сакратара Савету Бясьпекі Рэспублікі Беларусь.

Загадам прэзыдэнта Рэспублікі Беларусь ад 28 сакавіка 2001 году прызначаны міністрам абароны Рэспублікі Беларусь, адстаўлены 4 сьнежня 2009 году й адначасова прызначаны на пасаду сакратара Савету Бясьпекі Рэспублікі Беларусь.

У 2008 годзе Мальцаў заявіў, што ў беларускім войску «няма праблемы беларускай мовы».

Загадам прэзыдэнта Рэспублікі Беларусь ад 2 лістапада 2013 вызвалены ад пасады ў сувязі з прызначэньнем старшынём Дзяржаўнага пагранічнага камітэту. Ад 2019 году дырэктар Інстытуту дзяржаўнай службы Акадэміі кіраваньня пры прэзыдэнце Рэспублікі Беларусь.

• Ордэн Воінскай Славы
• Ордэн «За службу Радзіме» I ступені
• Ордэн Сяброўства (Расея)

• Стратегия генерал-полковника Леонида Мальцева (рас.) // Советская Белоруссия