Готарт (Гаторт), Готард — мужчынскае імя і вытворнае ад яго прозьвішча.
Готарт лац. Gotart / Gotart | |
Gotard | |
Паходжаньне | |
---|---|
Мова(-ы) | германскія |
Утворанае ад | Got + Hardt |
Іншыя формы | |
Варыянт(ы) | Готард, Гаторт |
Зьвязаныя імёны | Hardgot |
Зьвязаныя артыкулы | |
якія пачынаюцца з «Готарт» |
Готард, пазьней Готэрт (Godhard, Gotard, Gottert) і Гардгот (Hardgot) — імёны германскага паходжаньня. Іменная аснова -гуд- (-год-, -гут-) (імёны ліцьвінаў Готалт, Гудман, Саўгут; германскія імёны Gotaldus, Gutmann, Savegodo) паходзіць ад гоцкага guþs 'Бог', gôþs 'добры, старанны, пабожны' або *guts 'гот', а аснова -гард- (-гарт-, -арт-) (імёны ліцьвінаў Бэйнарт, Ленарт, Мэйнарт; германскія імёны Beynart, Lenhardt, Meinhart) — ад гоцкага hardus 'моцны, цьвёрды'. Апроч таго, адзначалася старажытнае германскае імя Gotrudis (Got-trudis).
Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Gotart (Godart, Gutart).
Варыянты імя ў гістарычных крыніцах: Gothard Tawteginden son, Godhard, filius Tautheginde (12 кастрычніка 1398 году); Gothardus dictus Gotard de Raygel (17 студзеня 1413 году); Thomas Gatart (13 лістапада 1414 году); Доркгю у Кнетове чоловекъ Кготортъ (1440—1492 гады); князь Литовьскій Готортъ (Наўгародзкі чацьверты летапіс і Сафійскі першы летапіс); discreto presbitero domino Gotardo vicario inibidem (1485 год); Gotardo zacrista (25 чэрвеня 1500 году); honorabili Domino Gotardo altarista de Swir (26 студзеня 1516 году); в дому пана Кготартове (25 красавіка 1517 году); Матеи Кготартикъ (1528 год); человека своего… на имя Кгаторта, а прозвищо Доктор (20 жніўня 1528 году); о пойманье наместъника их лопеньского Яна Кготартовича (7 жніўня 1546 году); мещане кременецкие на имя… Янъ Кготартъ (ліпень 1548 году); Каспер Кготаръдовичъ (1565 год); Каспоръ Кготартовичъ, Миколай Яновичъ Кготартовичъ, Якубъ Кгодартовичъ, Павелъ Кготартовичъ, Янъ Миколаевичъ Кготартъ, Миколай Яновичъ Кготартовичъ (1567 год); Gotarth (1564—1569 гады); Wacław Gotard… Marcina Gotarda z Dowkintyszek… Wacław Marcinowicz Gotart z Babiniszek w pow. wielońskim (1667 год); od P. Samuela Gotarda (1690 год); cum Anna Gotartowną Virg. Lutherana (4 лютага 1787 году); Zenon Gotard Duchnowski (10 сакавіка 1797 году).
Духноўскія Готгарды — літоўскі шляхецкі род Наваградзкага ваяводзтва.
Гатартовічы-Жахоўскія — літоўскі шляхецкі род.
Гатардовічы (Gatardowicz, Gotardowicz) гербу Ліс — літоўскі шляхецкі род.
Готарты (Gottart) гербу Ліс — літоўскі шляхецкі род.
This article uses material from the Wikipedia Беларуская (тарашкевіца) article Готарт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.