Чайка Шызая
Шызая чайка (Larus canus) — від птушак зь сямейства чайкавых (Laridae).
| Чайка шызая | |
 | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Кляса | Птушкі |
| Атрад | Сеўцападобныя |
| Сямейства | Чайкавыя |
| Род | Чайкі |
| Від | Чайка шызая |
| Бінамінальная намэнклятура | |
| Larus canus | |
Апісаньне
Дарослая шызая чайка зьнешне вельмі падобная да маеўкі і дасягае велічыні да 43 см з размахам крылаў каля 120 см. Яе вага складае ад 300 да 550 г. апярэньне шызай чайкі мае белы колер, а верхні бок крылаў — шэры. Канцы крылаў — чорна-белыя, дзюба і лапкі пафарбаваныя ў жоўта-зялёны колер. Маладняк набывае гэтую афарбоўку толькі ва ўзросьце трох гадоў. Самкі і самцы зьнешне не адрозьніваюцца. Працягласьць жыцьця шызай чайкі можа дасягаць 25 гадоў. Яе крык гучыць як «кі-э» або «кі-а».
Распаўсюджаньне
Шызая чайка жыве галоўным чынам на ўзьбярэжжы мораў і толькі зрэдку сустракаецца ва ўнутранаканынэнтальных вадаёмах. Сустракаецца ў Эўразіі і Паўночнай Амэрыцы. Яе шчыльнасьць даволі высокая ў Паўночнай і Цэнтральнай Эўропе. Некаторыя шызыя чайкі на зімоўку мігруюць у Міжземнамор’е ці Паўночную Афрыку.
Падвіды
- Larus canus brachyrhynchus
- Larus canus canus
- Усходнесыбірская шызая чайка
 | Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Чайка шызая, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.