Мева голубонога (Larus canus) є середнё велика мева росшырена в Европі, северній Азії і в Северній Америцї.
Найбогатше ся находить в Европі, де жыє веце як єдна половина з цїлой світовой популації, котра є в сучасности гадана на 1 000 000 парів.
Росте до великости вороны і дакус є менша як мева трипалцёва, з котров бывать часто замінёвана. Піря на бріху, шыї і голові є чісто біле, ногы жовтозелены, крыла зверьха сивы з чорно-білыма шпіцями і узкый і жовтый дзёбак.
През зиму мать сивы смужкы на голові, на дзёбаку ся векшынов обявить червеный фляк і на хвостї чорна смуга. Обидві поглавя суть так само зараблены. Молоды птахы суть на бріху, голові і горлї буро флякасты з чорнобурыма пірками лїтаня на крылах. До шату дорослых ся фарблять аж у третїм роцї жывота.
Мева голубонога ся находить на морьскых берегах, близь мочарїв, рік і векшых озер. Часточно є перелїтный.
Озывать ся глубокым голосом, якый припоминать сміх. Векшынов од нёго можеме чути гавкаве „кієє“, „кіяя“, або варовне „кіюю кіюю“.
На морьскых берегах жыє справила в россяглых колоніях рахуючіх аж 320 екземпларів, у внутроземю ся векшынов стримує осамочено або в меншых колоніях. Тыж як другы виды мев і мева голубонога є вшыткопожераюча, жывить ся дрібныма рыбками, слимаками, хробакамі, водяныма рясами або різныма сухоземныма рослинами, нагодно зъїсть і здохлину.
Тоты даны суть часточно або цалком основаны на перекладї статї Racek bouřní на чеській Вікіпедії (чісло ревізії не было становлене).
Тота статя є затля „Стыржень“. Поможте Вікіпедії так, же єй доповните і росшырите.
This article uses material from the Wikipedia Русиньскый article Мева голубонога, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.